Isang bride-to-be sa QC pinaghahanap ng pamilya

Nauwi sa pangamba ang dapat sana’y fairytale wedding ni Sherra De Juan at kanyang fiance na si Mark Reyes. Ilang araw na kasing nawawala si Sherra matapos itong magpaalam na bibili ng sapatos para sa kanyang kasal na dapat isinagawa kahapon, December 14. Ayon sa kanyang fiance na si Mark, wala silang matinding away ni Sherra at wala ring siyang naalalang nakaaway ng kanyang nobya. Huling nakunan ng CCTV si Sherra sa Fairview habang papunta sa isang shopping mall. Bumuo na ang pulis ng isang special investigation team para mahanap si Sherra. Naka flash sa inyong screen ang contact details ng mga kaanak ni Sherra para anumang impormasyon na nakakatulong sa kanyang pamilya.