ဟူသီသူပုန်တွေ ပင်လယ်နီကိုထိန်းချုပ်ရင် ကမ္ဘာ့ရေနံလမ်းကြောင်းတစ်ခုလုံး အီရန်လက်ထဲ ရောက်သွားနိုင်

ဟူသီသူပုန်တွေ ပင်လယ်နီကို ထိန်းချုပ်လိုက်ပါက ကမ္ဘာ့ရေနံလမ်းကြောင်းကြီးတစ်ခုလုံး အီရန်လက်ထဲ ရောက်သွားနိုင် ------------------- အီရန်က ထောက်ပံ့ပေးထားတဲ့ ယီမင်နိုင်ငံထဲက ဟူသီ သူပုန်တွေဟာ တိုက်ခိုက်မှုတွေကနေ လပေါင်းများစွာ ငြိမ်နေခဲ့ပေမယ့် ပြီးခဲ့တဲ့ စနေနေ့မှာ အစ္စရေးဘက်ကို ဒုံးကျည်နဲ့ စတင်ပစ်ခတ်ပြီး’ အရှေ့အလယ်ပိုင်း စစ်ပွဲထဲကို ပါဝင်လာပါတယ်။ "သူတို့ လက်ညှိုးဟာ မောင်းခလုတ်ပေါ်မှာ အသင့်ရှိတယ်" လို့ ပြီးခဲ့တဲ့ ဖေဖော်ဝါရီ ၂၈ ရက် အရှေ့အလယ်ပိုင်းစစ်ပွဲ စတင်ချိန်ကတည်းက ဟူသီတွေက အမေရိကန်နဲ့ အစ္စရေးကို သတိပေးခဲ့ပြီး အခုအခါမှာတော့ တကယ် ဝင်ရောက် တိုက်ခိုက်လာတာ ဖြစ်ပါတယ်။ စစ်ရေးလေ့လာသူတွေကတော့ ဒါဟာ "တော်တော်လေး စိုးရိမ်ရတဲ့ အခြေအနေ" ဖြစ်သလို ဟူသီတွေ ပါဝင်လာတာကြောင့် ဒီစစ်ပွဲဟာ ပိုမို ကျယ်ပြန့်လာနိုင်ပြီး ကမ္ဘာ့စီးပွားရေးနဲ့ ကုန်သွယ်ရေးကိုပါ အကြီးအကျယ် ထိခိုက်လာနိုင်တယ်လို့ ပြောထားပါတယ်။