Sagardo berriak zientzia oinarri

Txotx garaiarekin bat eginez aste honetako "Teknopolis" programa sagardogintzaren aurrerapenei buruzkoa izango da. Sagarraren esperimentazio-zentro batean izango gara: Gipuzkoako Foru Aldundiak Villabona-Amasan duen Otalarrea finkan. Han urteak daramatzate sagardoaren kalitatea hobetzeko eta nekazaritza-ustiategiak errentagarriago egiteko lanean. Aitor Etxeandiak, Fruitel Gipuzkoako frutazainen elkarteko sagar-teknikariak, emango digu bertako esperimentuen berri. Zizurkilgo Fraisoro laborategian, berriz, sagardoarekin zerikusia duten hamaika analisi egiten dituzte. Batetik, sagarrondoen gaitzak zehatz identifikatzen laguntzen dute, eta, bestetik, sagardogile bakoitzak bere gustuko sagardoa egin dezan analisi fisiko-kimikoak egiten dituzte sagarretik hasi eta sagardoraino. Sagardo naturalak hartziduran laguntzen duten bakterio laktikoak ditu. Horien potentzial probiotikoa aztertzea da Tknikaren aterkipean egiten ari diren “Babes BALak” proiektuaren asmoa. Plaiaundi Lanbide Heziketa, Easo Politeknikoa eta Lea Artibai ikastetxea ari dira proiektu hau garatzen eta azken emaitza sagardoaren patsetik ateratako probiotiko osasungarriak dituen esneki bat izan daiteke. . Edari berri bat nola garatu duten ere erakutsiko dugu. Sagarlup du izena eta sagar muztioa eta lupulua artzituz egiten dute Zabala Sagardotegian. Garapena EHUko Iñaki Santos kimikariarekin batera egin dute. 🎥Suscríbete a nuestro canal / Harpidetu zaitez: https://www.youtube.com/eitbeus 👇Para más información visita/ Informazio gehiagorako: https://www.eitb.eus/ 📲Y síguenos en nuestras redes sociales / Jarrai gaitzazu sare sozialetan: Facebook: https://www.facebook.com/eitb/ Twitter: https://x.com/EITBofiziala/ Instagram: https://www.instagram.com/eitb/