ليه تراب رئيس امريكا بيكرم ديك رومي ؟

ليه رئيس امريكا النهاردة بيعفو عن ديك رومي ؟؟ وبيخدوه يعيشوه عيشة الملوك في فندق خمس نجوم ؟؟ دى مش نكتة والله دا الى حصل فعلا تعالى احكيلك اصل القصة اية ! الحكاية ان فى بلد قررت تعمل لنفسها تاريخ، هوية، وعادات، حتى لو من قصة نصها متألف والنص التاني مش متأكدين إذا كان حصل فعلًا ولا لأ، بس المهم إنها اتكتبت في الكتب واتعملت في السينما، واتعلموها الأطفال في المدارس، واتحولت لثقافة… اسمها أمريكا ! كل سنة، في الخميس الرابع من شهر نوفمبر، الأمريكان بيحتفلوا بحاجة اسمها "عيد الشكر". يوم عائلي كده، يجتمعوا حوالين سفرة كبيرة، يصلوا صلاة شكر، وبعدين ياكلوا الديك الرومي اللي كانوا لسه شاكرين ربنا على وجوده ! ما تسألش إزاي، هو كده الأغرب من كل ده، إن من ضمن تقاليد عيد الشكر… إن الرئيس الأمريكي يعفو عن ديك رومي قبل ما يتاكل! آه، عفو رئاسي رسمي للديك. يتبعت فندق، يتصوروا معاه، يتعمله احتفال عالمي، وبعدين الرئيس بنفسه يقول: "أنا أعفو عن هذا الديك"!