عايزة راجل ناجح معاه فلوس.. رأي هدى الإتربي نوءة الجيل في الرجالة

في لقاء صريح وجريء، كشفت هدى الإتربي كواليس مشاركتها في مسلسل كلهم بيحبوا مودي، واتكلمت عن شخصيات العمل وإزاي كل شخصية ليها خط درامي مختلف بيكشف جوانب إنسانية متنوعة ما بين الحب، الغيرة، والصراعات النفسية. وأكدت إن المسلسل فيه حالة خاصة وقريب من الجمهور بسبب تفاصيله الواقعية. هدى كمان فتحت قلبها واتكلمت عن حياتها الشخصية، وقالت إن عندها أصحاب كتير وبتحب دايمًا تحيط نفسها بطاقة إيجابية، لكنها أكدت إنها مستحيل ترتبط براجل “بتاع ستات”، لأنها بتحب الاستقرار والوضوح. وكشفت إن الراجل المناسب ليها لازم يكون ناجح، طموح، وواقف على أرض صلبة، ومعاه فلوس لأنه النجاح بالنسبة لها مش بس مادّي لكن كمان مسئولية وقدرة على المشاركة. وعن شغلها، قالت إنها صورت مسلسلين في نفس الوقت، وده كان مجهود كبير جدًا، لكنها مستحيل تعرف تنام في اللوكيشن لأنها مبتحبش تفصل من الشخصية وبتفضل عايشة الحالة لحد ما تخلص تصويرها. واتكلمت بحماس عن تعاونها مع هند صبري، وأشادت باحترافيتها، وكمان عبّرت عن سعادتها بالتعاون مع الشركة المتحدة للخدمات الإعلامية، مؤكدة إنها شركة كبيرة وبتقدّم إنتاج ضخم ومحترم. هدى أكدت إنها نفسها تقدم أدوار أقوى وأهم مع نجوم كبار، وتسيب بصمة حقيقية في مشوارها الفني. وكمان اتكلمت عن شخصيتها في مسلسل مناعة، واللي كانت مختلفة ومليانة تحديات، وقدرت من خلالها تظهر جانب تمثيلي جديد ومفاجئ لجمهورها. ستوري بالعربي .. هانحكي معاكم القصة الكاملة من مصدرها الأصلي بالعربي_STORY# تابعنا على حسابتنا الرسمية الفيس بوك || www.facebook.com/storyarbic اليوتيوب || www.youtube.com/@STORYArabic الانستجرام || www.instagram.com/storybelarabi5/ التيك توك || www.tiktok.com/@1storyarbic #هدى_الإتربي #كلهم_بيحبوا_مودي #مسلسل_مناعة #دراما_مصرية #لقاء_فني #نجوم_مصر #الشركة_المتحدة #هند_صبري