திருப்பத்தூர் - என் அப்பாவுக்கு ஓட்டு போடுங்க! வேட்பாளருக்காக அவர் குடும்பமே களமிறங்கி ஓட்டு வேட்டை!

என் அப்பாவுக்கு ஓட்டு போடுங்க! என ஜோலார்பேட்டை சட்டமன்றத் தொகுதியில் தமிழக வாழ்வுரிமை கட்சியின் சார்பாக போட்டியிடும் சங்கர் என்பவரை ஆதரித்து பிரச்சாரம் செய்த இருமகன்கள் மற்றும் அவரது குடும்பத்தினர் 2026 ஆம் ஆண்டிற்கான சட்டமன்றத் தேர்தலுக்கான பணிகள் மிக தீவிரமாக நடைபெற்றுக் கொண்டிருக்கும் நிலையில் திருப்பத்தூர் மாவட்டம் ஜோலார்பேட்டை சட்டமன்றத் தொகுதியில் தமிழக வாழ்வுரிமை கட்சியின் சார்பாக சங்கர் என்பவர் கேமரா சின்னத்தில் போட்டியிடுகிறார். இவரை ஆதரித்து இவரது மனைவி மற்றும் மகள் , 2 மகன்கள் தனது அப்பாவை ஆதரித்து , நாட்றம்பள்ளி மற்றும் சுற்றுவட்டார பகுதியான விலக்கல் நாத்தம் , சுண்ணாம்குட்டை போன்ற பகுதிகளில் பிரச்சாரம் மேற்கொண்டனர். இதில் இரு கட்சிகளுக்கும் மாற்றி மாற்றி ஓட்டு செலுத்தி இதுவரை ஏமாற்றம் மட்டுமே ஜோலார்பேட்டை தொகுதியை சேர்ந்த பொதுமக்கள் இதுவரை ஏமாற்றத்தை மட்டும் கண்டுள்ளீர்கள் எனவும் , இந்த ஒரு முறை என் அப்பாவிற்கு வாய்ப்பு கொடுங்க எனவும் அவரது மனைவி மற்றும் மகன்கள் கடை கடையாக ஏறி பிரச்சாரத்தில் ஈடுபட்டனர். மேலும் அப்பகுதியில் வசிக்கும் பொது மக்களிடம் வேட்பாளர் சங்கர் அவர்கள் அப்பகுதியில் நடக்கும் குறைகளை கேட்டு அறிந்து எனக்கு வாய்ப்பு கொடுங்கள் நீங்கள் கூறும் பிரச்சனைகளை நான் தீர்த்துக் கொடுக்கிறேன் எனவும் அனைவரிடமும் வாக்குறுதி கொடுத்தார். வேட்பாளரை ஆதரித்து அவரது குடும்பமே நடை பயணத்தில் வாக்கு சேகரித்த சம்பவம் அப்பகுதியில் பேசும் பொருளாக உள்ளது.