NJOMBE:ADAIWA KUUA MKE KWA SUMU AKIMUWAHI BAADA YA KUHISI YEYE KUWEKEWA KISHA NAYE AJINYONGA

Watu watatu wa familia moja katika kijiji cha Kifumbe halmashauri ya mji wa Makambako mkoani Njombe wamekutwa wamefariki huku chanzo kikidaiwa kuwa ni sumu pamoja na kujinyonga kutokana na ujumbe ulioachwa na marehemu. Jeshi la Polisi mkoa wa Njombe limethibitisha kutokea kwa vifo hivyo na kubainisha kuwa waliokutwa wamefariki usiku wa kuamkia December 29 ni pamoja na Meshack Chagavalya (23) Mke wake Elizabeth Msigwa (25) pamoja na Sara Msuluja (2) ambaye ni mtoto wa kiume wa kambo waliyekuwa wakiishi naye. Polisi imesema chanzo cha vifo hivyo kwa mujibu wa uchunguzi wa awali ni kuwa,Ujumbe uliopatikana kwenye simu huyo mwanaume (Marehemu) aliomtumia baba yake akimwomba msamaha kuwa aliamua kumwekea sumu kwenye chakula mke wake baada ya kuhisi kuwa mke wake amemuwekea sumu kwenye chakula hivyo akamuwahi. Aidha baada ya kumwekea sumu mke wake uchunguzi unaonyesha alimnyonga mtoto wake wa kambo na kamba ya manila kwa kimtundika kwenye kenchi. Baada ya kufanya hivyo naye alijinyoga kwa kamba ya manila kwa kujitundika juu ya kenchi ndani ya chumba walichopanga.