Khit Thit Morning News | March 4, 2026

Khit Thit သတင်းဌာန၏ မတ် ၄ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၄ ရက် မနက်ပိုင်း တင်ဆက်ပေးမယ့် သတင်းတွေကတော့ -အာရက္ခတပ်တော် AA က သိမ်းပိုက်ထားတဲ့ ရခိုင်ပြည်နယ်အတွင်းကမြို့နယ်တွေကို စစ်တပ်က ၁ နှစ်အတွင်း “ဒီဒေး (D-Day)” သတ်မှတ်ပြီး ပြန်လည်တိုက်ခိုက်သိမ်းပိုက်သွားမယ်လို့ ဘူးလက်လှဆွေက လူမှုကွန်ရက်ကနေ ပြောဆိုလာပါတယ်။ -အရှေ့တောင်အာရှတစ်ခွင်မှာ အမြစ်တွယ်နေတဲ့ အွန်လိုင်းငွေလိမ်ဂိုဏ်းတွေဖြစ်တဲ့ “ကျားဖြန့်” တွေကို အမြစ်ပြတ်ချေမှုန်းဖို့အတွက် အမေရိကန်ပြည်ထောင်စုစုံစမ်းစစ်ဆေးရေးဗျူရို FBI နဲ့ ထိုင်းရဲတပ်ဖွဲ့တို့ ပူးပေါင်းဆောင်ရွက်နေပြီလို့ FBI ရဲ့ သတင်းထုတ်ပြန်ချက်နဲ့ ထိုင်းသတင်းဌာနတွေ ဖော်ပြချက်အရ သိရပါတယ်။ - အကြမ်းဖက်စစ်တပ်က စက်သုံးဆီချွေတာဖို့အတွက် ပုဂ္ဂလိကပိုင်မော်တော်ယာဉ်တွေကို ကားနံပါတ်ပြား အလိုက် “စုံ” ရက်နဲ့ “မ” ရက် ခွဲပြီး မောင်းနှင်ရမယ်လို့ အမျိုးသားကာကွယ်ရေးနဲ့ လုံခြုံရေးကောင်စီက အမိန့်ထုတ်လိုက်တယ်လို့ စစ်တပ်ပိုင်မီဒီယာက မနေ့ကညပိုင်းမှာ ထုတ်ပြန်ပါတယ်။ - အခုဆိုရင် အီရန်ဟာ သူနဲ့ ထိပ်တိုက်တွေ့နေတဲ့ အမေရိကန်နဲ့ အစ္စရေးကိုတင်မကဘဲ သူတို့ရဲ့ မဟာမိတ် ပင်လယ်ကွေ့နိုင်ငံတွေကိုပါ ပစ်မှတ်ချဲ့ထွင်ပြီး စစ်ဆင်ရေးတွေ လုပ်လာတာကို တွေ့ရပါတယ်။ အင်္ဂါနေ့ (မတ် ၃ ရက်) မှာတော့ ကာတာ၊ အိုမန်နဲ့ ယူအေအီးနိုင်ငံတွေမှာရှိတဲ့ ရေနံနဲ့ စွမ်းအင်ဆိုင်ရာ အဆောက်အအုံတွေ တိုက်ခိုက်ခံခဲ့ရတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။