2025-ին արձանագրեցինք՝ ունենք խաղաղություն ու հակամարտության ավարտ՝ ՀՀ-ի ու Ադրբեջանի միջև. Փաշինյան

2025 թվականին Ադրբեջանի հետ արձանագրված խաղաղության փաստը 2026 թվականին լեգիտիմություն ստացավ։ Այս մասին այսօր՝ հունիսի 16-ին, Ազգային ժողովում 2025 թվականի պետական բյուջեի կատարողականի տարեկան հաշվետվության քննարկման ժամանակ հայտարարեց Նիկոլ Փաշինյանը։ Նրա խոսքով՝ դա տեղի ունեցավ «խորհրդարանական ընտրություններում Հայաստանի ժողովրդի կատարած ընտրության ու քվեարկության շնորհիվ» և հենց 2025 թվականին դրվեցին այն հիմքերը, որոնք թույլ են տալիս անցնել նոր՝ որակապես նոր պետություն ձևավորելու օրակարգին։ Փաշինյանը կարևորեց այն հանգամանքը, որ 2025 թվականին Հայաստանն ու Ադրբեջանը հայտարարել են խաղաղության և միջպետական հարաբերությունների հաստատման պայմանագրի նախագծի շուրջ բանակցություններն ավարտելու և տեքստն ամբողջությամբ համաձայնեցնելու մասին։ «Այս իրադարձությունը հնարավոր դարձրեց խաղաղության հաստատումը 2025 թվականի օգոստոսի 8-ին Վաշինգտոնում՝ ԱՄՆ նախագահ Դոնալդ Թրամփի նախաձեռնությամբ ու մասնակցությամբ», - նշել է վարչապետը։ Ըստ Փաշինյանի՝ 2025 թվականը կարելի է համարել «հեղափոխական» իշխանությունների լավագույն տարին, ընդ որում՝ պետք է ձգտել, որ յուրաքանչյուր հաջորդ տարին գերազանցի նախորդին։ Փաշինյանը նաև շեշտեց, որ 2026 թվականի ընտրության արդյունքներով Հայաստանի ժողովուրդը տեր կանգնեց խաղաղությանը: Մանրամասները՝ https://oragir.news/hy/material/2026/06/16/199194 Oragir.News-ին կարող եք հետևել նաև. Telegram - https://t.me/oragir_news Facebook - https://www.facebook.com/oragir1 Facebook - https://www.facebook.com/Oragir.am Instagram - https://www.instagram.com/oragir.news Tiktok - https://www.tiktok.com/@oragir.news