Ramazonning bir kuni mo‘minning umr yo‘li / Sabr va shukr

Ramazon madrasasi "Ramazonning bir kuni, mo‘minning umr yo‘li" Ro‘za oyatlarida Alloh taolo aytadi: "Shukr qilishingiz uchun" (Baqara.185) Rasululloh ﷺ Ramazonni "Sabr oyi" dedilar. (Ahmad rivoyati) Chunki ro‘zada kun bo‘yi sabr bilan iftorni kutamiz. Iftor qilgach tun bilan shukr qilib ibodat qilamiz. Dars: Mo‘minning hayotiga qarasang shu ikki holatdan chiqmaydi. Qiyinchilik vaqti ro‘zador kabi sabr qiladi. Ofiyat vaqti iftor qilgan kabi shukr qiladi. Rasululloh mo‘minning hayoti haqida aytdilar: "Mo‘minning ishi qiziq. Uning hamma ishi yaxshilik. Unga xursandlik yetsa shukr qiladi bu unga yaxshi. Qiyinchilik yetsa sabr qiladi bu ham unga yaxshi. Bu faqat mo‘minga" (Muslim) Umar raziyallohu anhu aytadilar: "Sabr va shukr (oxirat sari miniladigan) ikki ulovdir. Men ularning qaysi birini minishim farqi yo‘q" Abdulloh ibn Mas'ud raziyallohu anhu aytadilar: "Iymon ikki bo‘lak. Yarmi sabr, yarmi shukr" Shunga binoan, ramazonning har kuni senga hayotingdagi "Sabr" vaqtini, har tuni esa hayotingdagi "Shukr" vaqtini esaltsin.. Alloh taolo aytadi: "Albatta ana shunda barcha "O‘ta sabrli va o‘ta shukrli" kishilarga ibratlar bordir.." (Luqmon.31) #ramazon #sabr #shukr #abdulloh_zufar #abdullohzufar #iftor #iftorlik