အမျိုးသမီးတွေရဲ့ ဒုက္ခကို ဖုံးကွယ်ထားတဲ့ နေပြည်တော်က ဖက်ရှင်ပွဲ (ရုပ်/သံ)

နေပြည်တော်မှာ ဇူလိုင်လ ၁ ရက်နေ့က ကျင်းပခဲ့တဲ့ မြန်မာအမျိုးသမီးများနေ့ အကြိုအခမ်းအနားဟာ အမျိုးသမီးထုရဲ့ အခွင့်အရေးနဲ့ ဘဝလုံခြုံရေးထက် အလှအပနဲ့ ဖျော်ဖြေရေးကိုပဲ အသားပေးသွားခဲ့တာကြောင့် အများပြည်သူအကြား ဝေဖန်စရာဖြစ်နေပါတယ်။ ဒီပွဲကို အာဏာသိမ်းခေါင်းဆောင်ရဲ့ဇနီး ဒေါ်ကြူကြူလှက အမျိုးသမီးရေးရာအဖွဲ့ချုပ် ဂုဏ်ထူးဆောင်နာယကအဖြစ် တက်ရောက်ခဲ့ပြီး၊ စစ်တပ်အရာရှိကြီးတွေရဲ့ ဇနီးသည်တွေနဲ့ အာဏာသိမ်းအစိုးရအဖွဲ့ဝင် အမျိုးသမီးတွေ တက်ရောက်ခဲ့ကြတာပါ။ ပွဲအတွင်းမှာတော့ ခေတ်အဆက်ဆက် ဝတ်စားဆင်ယင်မှုပြပွဲတွေအပြင် ရုပ်ရှင်၊ သဘင်နဲ့ ဂီတဖျော်ဖြေရေး အစီအစဉ်တွေကိုပဲ အဓိကထား တင်ဆက်သွားခဲ့တာကို တွေ့ရပါတယ်။ ဒါပေမယ့် တနိုင်ငံလုံးအတိုင်းအတာနဲ့ စစ်မီးတွေတောက်လောင်ပြီး အမျိုးသမီးတွေအပါအဝင် ပြည်သူအများအပြား အတိဒုက္ခရောက် နေချိန်မှာ၊ အခုလို အဆောင်အယောင်နဲ့ အလှအပပြပွဲတွေကို ဦးစားပေးကျင်းပနေတာဟာ လက်တွေ့ဘဝနဲ့ ကင်းကွာနေသလို ပြည်သူ့ခံစားချက်ကိုလည်း လျစ်လျူရှုရာ ရောက်တယ်လို့ ဝေဖန်သူတွေက ထောက်ပြနေကြပါတယ်။ #မြန်မာ #ဧရာဝတီ #အမျိုးသမီးများနေ့ #ဒေါ်ကြူကြူလှ #ဒေါ်အောင်ဆန်းစုကြည်မွေးနေ့ #ဇူလိုင်၁၉ #WhathappeningInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation