Healthcare system ng Pilipinas kinabibiliban ng ibang bansa

“GUSTO NILANG KOPYAHIN ANG HEALTHCARE SYSTEM NG PILIPINAS” Hinahangaan umano ng ibang mga bansa ang healthcare system ng Pilipinas, ayon kay Presidential Adviser for Poverty Alleviation Secretary Larry Gadon. Kuwento ni Secretary Gadon, naging delegado siya pati si Department of Social and Welfare Development (DSWD) Secretary Rex Gatchalian sa World Summit for Social Development na ginanap sa Doha, Qatar. Aniya, ang mga bansa karamihan sa Africa ay pina-pattern ang kanilang healthcare system kagaya sa Pilipinas. Kuwento naman ni Department of Health (DOH) Secretary Ted Herbosa, ilang minister ng low and middle income class na bansa ang pumupuri sa healthcare system ng Pilipinas kaya’t gusto nila itong kopyahin.