အီရန်စစ်ပွဲဂယက် မြန်မာ့စက်သုံးဆီဈေးကွက် အကျပ်အတည်းဆိုက် (ရုပ်/သံ)

အရှေ့အလယ်ပိုင်းဒေသ စစ်ရေးပဋိပက္ခတွေကြောင့် ကမ္ဘာလုံးဆိုင်ရာ စက်သုံးဆီဈေးကွက် မတည် ငြိမ်မှုတွေ ဖြစ်ပေါ်နေချိန် မြန်မာနိုင်ငံမှာလည်း စက်သုံးဆီအကျပ်အတည်းနဲ့ရင်ဆိုင်နေရပါတယ်။ မြန်မာနိုင်ငံအနှံ့ မြို့နယ်အများအပြားမှာ မတ်လ ၄ ရက် ဒီကနေ့မှာ စက်သုံးဆီအရောင်းဆိုင်တွေရှေ့ တန်းစီဝယ်ယူသူတွေ ပြည့်နှက်နေပြီး ပြင်ပပေါက်ဈေးလည်း မြင့်တက်လာနေတယ်လို့ ဧရာဝတီက စုံစမ်းသိရှိရပါတယ်။ စစ်ကော်မရှင်ရဲ့ သတင်းပြန်ကြားရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းကတော့ လက်ရှိ မြန်မာနိုင်ငံမှာ အရန်စက်သုံးဆီ ရက် ၄၀ စာကျန်ရှိသလို ဆိပ်ကမ်းမှာ ဆီမချရသေးဘဲ ဆိုက်ကပ်ထားတဲ့ သင်္ဘော ၂ စီးနဲ့ ဝယ်ယူပြီး စက်သုံးဆီ သင်္ဘော ၁၄ စီးစာကျန်ရှိနေသေးတယ်လို့ ဒီနေ့ မတ်လ ၄ ရက်နေ့မှာပြောပါတယ်။ ဒါပေမယ့် စက်သုံးဆီဈေးနှုန်းကတော့ ကမ္ဘာ့စက်သုံးဆီဈေးနှုန်းနဲ့အညီဖြစ်လာလိမ့်မယ်လို့လည်းပြောပါတယ်။ #မြန်မာ #ဧရာဝတီ #စက်သုံးဆီ #အီရန် #စစ်ပွဲ #WhathappensInMyanmar