Ramazon birlikni o‘rganish oyi | Jamoat bilan qilingan amal nega afzal?

Ramazon madrasasi "Ramazon birlikni o‘rganish oyi" Rasululloh alayhissalom aytdilar: "Kim imom namozdan chiqib ketguniga qadar u bilan namozni qoim qilsa, unga o‘sha kechani qoim qilganlik ajri yoziladi" Dars: Bugun musulmonlarda shaxsiy hayotlarida ham, ummat miqyosida ham uchraydigan illatlardan biri  hamma o‘zini "Men o‘zim boshqacha qilaman.." deb o‘ylab boshqalardan yakka moxov bo'lib ajralishi !  Ulardagi bu holatni ko‘rib Allohni ushbu so‘zi hayolingga keladi; "BARCHA FARISHTALAR SAJDA QILDILAR...FAQAT IBLIS... U MEN UNDAN YAXSHIMAN DEDI" Ramazon oyi musulmonga shuning aksini, hammadan zo‘r qilmasang ham hammaga qo‘shilib oddiyroq qilishing afzalligini o‘rgatadi. Ramazonda birlikni o‘rganish uchun garchi imomdan ba'zi kamchiliklarni ko‘rsang-da u bilan oxirigacha namoz o‘qi ! Sen o‘zingcha "men undan yaxshiman" deb uyingda o‘qishingdan, kamchiligi bo‘lsa-da imom bilan birlikda o‘qiganinig afzalroq. Abdulloh ibn Mas'ud raziyallohu anhu aytadilar: "Sizlarga yoqimsiz bo‘lsa-da jamoatdagi ish , sizlarga yoqqan bo'linishdagi ishdan yaxshidir" (Mustadrok) Abdulloh ibn Abbos raziyallohu anhu aytadilar: "Jamoatda tuz yeyishim ayrilib olib qiyom yeyishimdan menga suyukliroq!" (Hilyatul-avliyo) Shuning uchun Ramazon oyi hilolini bir musulmon ko‘rishi bilan hamma ro‘zaga buyurilgan. Hamma bir azonni eshitib og'iz yopadi, bir azon bilan og'iz ochadi. Hayit kuni birlik ramzi bo'lib bir imom ortida keng maydonda to‘planib hayit namozi o‘qiladi, duo qilinadi . Shuning uchun Abdulloh ibn Amr raziyallohu anhu iftor va undagi duoda barcha ahli oila va farzandlarini to‘plar edi. Rasululloh sollallohu alayhi va sallam aytdilar: "Allohga taomlarning eng suyuklisi unga qo'llar ko‘paygan (jamoaviy) taomdir" (Tabaroniy) Birlik jannat ahli, tarqoqlik esa jahannam ahli sifatlaridan: Alloh jannat ahli haqida aytadi: "Ular surilarda bir-birlariga yuzlangan holda o‘tiradilar" (Soffat.44) Do‘zaxilar haqida: "Ular u (do‘zax)da bir-birlari bilan xusumatlashgan holda.." (Shuaro. 96) #ramazon #jamoat #abdulloh_zufar #abdullohzufar