Khit Thit Afternoon News | May 17 , 2026

Khit Thit သတင်းဌာန၏ မေ ၁၇ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၇ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -နေပြည်တော်စစ်ရုံးချုပ်မှာ ဒုတိယဗိုလ်ချုပ်ကြီး ကိုကိုဦးရဲ့ နေအိမ်ဖောက်ထွင်းခံရမှုအတွက် ခိုးမှုကျူး လွန်တယ်ဆိုပြီး ပေါ်ပေါက်တာမရှိတဲ့ အရပ်သားဝန်ထမ်း ဦးဝင်းမြင့်(ခေါ်) ဦးမြင့်လေးကို ရိုက်နှက် သတ်ဖြတ်လိုက်ပြီး ပိုလီယိုသားဖြစ်သူနဲ့ တူတို့ကို ထောင်ဒဏ် ၈ နှစ်ချမှတ်ထားတယ်လို့ နေပြည်တော် စစ်ဘက်သတင်းရင်းမြစ်က ပြောပါတယ်။ - ကရင်နီပြည်ဘက်က သတင်းကို တင်ဆက်ပေးပါမယ်။ ကရင်နီပြည်၊ ဖယ်ခုံမြို့နယ်၊ မိုးဗြဲမြို့တွင်းကနေ မြို့ပြင်ကို ထွက်လာတဲ့ စစ်ကောင်စီတပ်စစ်ကြောင်းကို တော်လှန်ရေးပူးပေါင်းတပ်ဖွဲ့တွေက ခုခံ တိုက်ခိုက် ခဲ့တာကြောင့် စစ်ကောင်စီဘက်က စစ်သား ၁၀ ယောက်ဝန်းကျင် သေဆုံးခဲ့တယ်လို့ ကရင်နီအမျိုးသား များကာကွယ်ရေးတပ် (KNDF) ဆီကနေ သိရပါတယ်။ - စစ်ကိုင်းတိုင်းဘက်ကိုကြည့်ရအောင်ပါရှင်။ စစ်ကိုင်းတိုင်း၊ ထီးချိုင့်မြို့နယ်၊ အင်းတော်မြို့နယ်၊ ကသာ မြို့နယ် နဲ့ မန္တလေးတိုင်း၊ သပိတ်ကျင်းမြို့ နယ်၊ တကောင်းဒေသထဲကို ကျူးကျော်ဝင်ရောက်နေတဲ့ အကြမ်းဖက် စစ်ကောင်စီတပ်သား တွေကို FPV ဒရုန်းတွေနဲ့ တိုက်ခိုက်ချေမှုန်းလျက်ရှိရာ စစ်သားအများ အပြား သေဆုံးလျက်ရှိ တယ်လို့ ပြည်သူ့ကာကွယ်ရေးတပ်မတော်၊ သတင်းနဲ့ပြန်ကြားရေးဌာနက တရားဝင်ထုတ်ပြန် ပါတယ်။ - ရုရှားသမ္မတ ဗလာဒီမီရ် ပူတင်ဟာ လာမယ့်အပတ်ထဲမှာ တရုတ်နိုင်ငံ ဘေဂျင်းမြို့တော်ကို နှစ်ရက်ကြာ ခရီးစဉ်အဖြစ် သွားရောက်ပြီး တရုတ်သမ္မတ ရှီကျင့်ဖျင်နဲ့ တွေ့ဆုံမယ်လို့ ကရင်မလင်နန်းတော်က သတင်းထုတ်ပြန်လိုက်တဲ့ သတင်အပါအဝင် နေ့လယ်ခင်းသတင်းတွေကို တင်ဆက်ပေးပါမယ်။