{تعاشب شاي}(2388) كمين الـ ٤٠ يوم: قصة اغتيال مرتب إبريل في مارس

لما رسالة البنك بتنور على شاشة الموبايل آخر الشهر، بتضرب في دماغ الموظف المصري وتعمله أحلى دماغ.. تفاعل كيميائي مفعوله أقوى من أي صنف في التاريخ! الشاشة بتنور بالرسالة من هنا.. و القلب يرفرف من هنا.. الحكومة فجأة تقمصت دور سواق الميكروباص الطيب اللي بيرجعلك ربع جنيه باقي الخمسة، وقررت تصرف مرتب مارس لـ 4.5 مليون موظف غلبان قبل ميعاده. وزير المالية طالع بابتسامة كوتش تنمية بشرية في قاعة أفراح في الدقي، وبيقولك قررنا نصرفلكم المرتب بدري عشان تلحقوا تفرحوا و تهيصوا في العيد.. انت تسمع الخبر من هنا، وهرمون السعادة يضرب في نافوخك. تقف قدام مكنة الصراف تبقى عايز تاخدها بالحضن زي ما تكون لقيت أبوك اللي تاه منك في مول مصر. تسحب مرتبك من الصراف.. و انت حاسس انك جيف بيزوس شبرا، و تبدأ ترسم خطط غزو الأسواق من العتبة للموسكي. و تشرب المقلب يا حلو.. انت فاكر إنهم بيراضوك بمكافأة؟ أبدا.. حضرتك انت كده أخدت سلفة من فلوسك بتاعت بكرة.. عشان تسدد بيها مصاريف امبارح.. قبضت يوم 16 مارس، والعيد دخل عليك يوم 20، والإجازة خلصت وبدأت تفوق لنفسك وللواقع يوم 23 مارس. اكشفت ان مرتب أبريل مش هتشمه قبل يوم 21، وممكن يتأخر لـ 23. يعني قدامك من 37 لـ 40 يوم بحالهم المفروض تعيش فيهم بالمرتب ده. 40 يوم! أهو دول هايعدوا عليك أطول من ال٤٠ سنة اللي بني اسرائيل تاهوا فيهم في سينا! بس هم كان معاهم المن و السلوى.. انت ماحيلتكش حاجة.. للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com