ဆန္ဒပြပွဲမှာ ဦးခေါင်းကို အနီးကပ် ပစ်ခတ်ခံရတဲ့ အီရန်ကျောင်းသူ သေဆုံး

ဆန္ဒပြပွဲမှာ ဦးခေါင်းကို အနီးကပ် ပစ်ခတ်ခံရတဲ့ အီရန်ကျောင်းသူ သေဆုံး  -----------------   အီရန်နိုင်ငံအတွင်း အရှိန်မြင့်နေတဲ့ အစိုးရဆန့်ကျင်ရေး ဆန္ဒပြပွဲတွေအတွင်းမှာ   အသက် ၂၃ နှစ်အရွယ် ကျောင်းသူတစ်ဦးဟာ ခေါင်းကို အနီးကပ်ပစ်ခတ်ခံခဲ့ရပြီး သေဆုံးသွားခဲ့တယ်လို့ နော်ဝေနိုင်ငံအခြေစိုက် အီရန်လူ့အခွင့်အရေးအဖွဲ့က ထုတ်ပြန်ထားပါတယ်။ ကာ့ဒ်လူမျိုး တစ်ဦးဖြစ်သူ  ရူဘီနာ အာမီနီယမ်ဆိုတဲ့   မိန်းကလေးဟာ ဇန်နဝါရီ ၈ ရက်က မြို့တော်တီဟီရန်ရဲ့ ဆန္ဒပြပွဲအတွင်း နောက်ကျောဘက်ကနေ ဦးခေါင်းကို အနီးကပ် အပစ်ခံခဲ့ရတာ ဖြစ်တယ်လို့  အဲဒီအဖွဲ့က ထုတ်ပြန်ထားပါတယ်။   ရူဘီနာ အာမီနီယမ် ဟာ တီဟီရန်မြို့က တက္ကသိုလ်တစ်ခုမှာ ဖက်ရှင်ဒီဇိုင်းပညာရပ်ကို လေ့လာဆည်းပူးနေတဲ့ ကျောင်းသူတစ်ယောက်ဖြစ်ပြီး အီတလီနိုင်ငံ၊ မီလန်မြို့ကို ရွှေ့ပြောင်းပြီးတော့ ဖက်ရှင်ဒီဇိုင်နာတစ်ဦးအနေနဲ့ ဘဝရပ်တည်နိုင်ဖို့ အိမ်မက်တွေ ရှိခဲ့တဲ့ လူငယ်တစ်ယောက်ပါ။