Khit Thit Morning News | April 2, 2026

Khit Thit သတင်းဌာန၏ ဧပြီ ၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၂ ရက် မနက်ပိုင်း တင်ဆက်ပေးမယ့် သတင်းတွေကတော့ -အကြမ်းဖက်စစ်ခေါင်းဆောင်မင်းအောင်လှိုင်က သမ္မတလုပ်ဖို့ လမ်းကြောင်းချနေတဲ့အပေါ်မှာ စစ်လော်ဘီတွေ၊ ကြံ့ဖွတ်ပါတီဝင်တွေ၊ တပ်အသိုင်းအဝိုင်းတွေကြားမှာတောင် ထောက်ခံမှုမရှိဘဲ ဝေဖန်မှုပိုမြင့်လာနေတယ်လို့ သိရပါတယ်။ - ကချင်ပြည်နယ်မှာ မြစ်ဆုံရေကာတာစီမံကိန်းကို ပြန်ပြီးဆောက်ဖို့လုပ်နေတဲ့အပေါ် ကချင်ပြည်နယ် လူ့အခွင့်အရေးကာကွယ်စောင့်ရှောက်သူများကွန်ရက်က ဧပြီလ ၁ ရက်နေ့မှာ ထုတ်ပြန်ပြီး အပြင်းအထန်ရှုတ်ချလိုက်ပါတယ်။ - မကွေးတိုင်း၊ ပခုက္ကူမြို့နယ်ထဲမှာ စစ်ကြောင်းထိုးလာတဲ့စစ်တပ်ကို ဒရုန်းနဲ့တိုက်ခိုက်ခဲ့တာကြောင့် စစ်သား ၅ ယောက်လောက် ထိခိုက်ဒဏ်ရာရသွားပြီး တိုက်ပွဲတွေလည်း ဆက်ပြီးဖြစ်နေတယ်လို့ ပခုက္ကူခရိုင် စစ်ဌာနဘက်က တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - အီရန်ဘက်က အပစ်အခတ်ရပ်စဲဖို့ ကမ်းလှမ်းလာတယ်လို့ အမေရိကန်သမ္မတထရမ့်က ပြောပေမယ့် အီရန်ဘက်ကတော့ သတင်းအမှားလို့ တုံ့ပြန်လိုက်ပါတယ်။ အမေရိကန်သမ္မတ ဒေါ်နယ်ထရမ့်က အီရန်နိုင်ငံဘက်ကနေ အပစ်အခတ်ရပ်စဲဖို့ သူတို့ဆီမှာ လာရောက်တောင်းဆိုထားတယ်လို့ ဗုဒ္ဓဟူးနေ့ (ဧပြီလ ၁ ရက်) မှာ သူ့ရဲ့ Truth Social လူမှုကွန်ရက်ကနေတစ်ဆင့် ပြောကြားလိုက်ပါတယ်။