{أعز الناس}(23) ودوا لو تُدهِنُ فيُدهِنون

أكتر حاجة بتقتل التاريخ.. وتخلينا مانقدرش نتعلم منه حاجة.. إنه يتحول لأسطورة.. منفصلة عن واقعنا.. فلما بنسمعه.. بنحس إن الناس اللي فيه دول مش زينا.. مش شبهنا.. مافيش أي حاجة بتربطنا بيهم.. وبالتالي.. مابنفهمش ومابنتعلمش منهم حاجة.. وللأسف.. ده حصل مع السيرة ومع التاريخ الإسلامي كله.. اللي بقى شبه ألف ليلة وليلة في مخيلة ناس كتير.. زي ما اتعودوا يشوفوه في مسلسلات أو أفلام.. يعني مثلًا.. الصورة اللي في مخيلة الناس النهاردة عن مكة وعن قريش في فجر الإسلام.. إن كفار قريش دول كانوا شوية بدو همج.. عايشين في خيم معمولة من بطاطين شبه بطاطين الجيش كده.. ودايمًا متجمعين في خيمة منهم بيتفرجوا على رقاصات وبيشربوا خمر وبياكلوا بإيديهم ورجليهم.. وكل واحد فيهم حاطط في عينيه كحل أكتر من أي ميك أب أرتيست في المهندسين.. ودايمًا بيضحك ضحكة شريرة ستاكاتو كده وهو بيقول «ثَكِلَتْكَ أُمُّكَ يا ابن زحلفة».. وإن الواحد منهم عادة بيلبس غوامق.. وحواجبهم زي المقشات.. وبنعرف إنهم أسلموا.. لما يلبسوا أبيض في أبيض ويعملوا حواجبهم بفتلة.. شخصيات كاريكاتيرية.. فعشان كده.. أنا متأكد إن فيه ناس كتير.. عندهم علامات استفهام على تصرفات ومواقف كتير.. مش فاهمين هم عملوا كده ليه يعني؟.. يعني هم إيه اللي كان مضايقهم قوي من الإسلام للدرجة دي؟.. كان إيه اللي خاسس عليهم مثلًا؟ وإيه اللي يوصلهم لأنهم يروحوا للنبي ﷺ ويعرضوا عليه المال والملك في مقابل إنه يترك الدعوة؟.. إيه المنطق يعني؟ كل علامات الاستفهام دي بتختفي.. لما تشوف الصورة الحقيقية لمكة.. وقريش.. واللي مالهاش علاقة نهائي باللي اتعودنا نشوفه.. للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com