Khit Thit Afternoon News | May 8 , 2026

Khit Thit သတင်းဌာန၏ မေ ၈ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၈ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -အကြမ်းဖက် မင်းအောင်လှိုင်က သူမတရားလုယူထားတဲ့ နိုင်ငံတော်သမ္မတရာထူး နဲ့ ရုရှားနိုင်ငံရဲ့ ၈၁ နှစ်မြောက် ဒုတိယကမ္ဘာစစ်အောင်ပွဲနေ့ အခမ်းအနားကို တက်ရောက်ချင်ပေမယ့် ရုရှားနိုင့်က သူ့ကို ဖိတ်ကြားမှု မရှိဘူးလို့ နေပြည်တော် စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။ - ဖိလစ်ပိုင်နိုင်ငံမှာ ကျင်းပနေတဲ့အာဆီယံအစည်းအဝေးမှာ မြန်မာ့အရေးနဲ့ ပက်သက်ပြီး အာဆီယံအဖွဲ့ အတွင်း ရပ်တည်ချက် နှစ်မျိုးကွဲပြားနေပြီး ၊ စင်ကာပူ၊ မလေးရှား၊ အင်ဒိုနီးရှားနဲ့ တီမော နိုင်ငံတို့က အာဆီယံဘုံသဘောတူညီချက် ၅ ချက်ကို ကိုင်စွဲထားပြီး ထိုင်း၊ လာအို၊ ဗီယက်နမ်နဲ့ ကမ္ဘောဒီးယားတို့က မြန်မာကို အာဆီယံထဲ ပြန်ခေါ်ဖို့ လိုလားနေတယ်လို့ စင်ကာပူ The Straits Times က သတင်းဖော်ပြလာပါတယ်။ - အာရက္ခတပ်တော် AA သိမ်းပိုက်ထားတဲ့ ရခိုင်ပြည်နယ် ကျောက်တော်မြို့ကို အကြမ်းဖက် စစ်တပ်က ညသန်းခေါင်းအချိန် လေယာဉ်အုပ်စုလိုက်နဲ့လာပြီး ဗုံးတွေ အဆက်မပြတ်ကျဲချသွားပြန်တယ်လို့ ရခိုင်ဒေသသတင်းရင်းမြစ်တွေဆီက သိရပါတယ်။ - အမေရိကန်က ကျူးဘားနိုင်ငံကို ပိတ်ဆို့အရေးယူမှုအသစ်တွေ ထပ်မံလုပ်လိုက်တဲ့အတွက် ကျူးဘားနိုင်ငံမှာ 'စွမ်းအင်ငတ်မွတ်မှု' ဖြစ်ပေါ်နိုင်တယ်လို့ သတိပေးလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။