{تعاشب شاي}(2417) فيلم "الست" : قصة سقوط تكلفت مئات الملايين

عارف إحساسك لما تدخل كافيه فخم في ووتر واي التجمع ، وتدفع رقم فلكي في حتة كيكة مكتوب في المنيو إنها مخبوزة بشغف الملايكة ودموع التماسيح الاستوائية، وتيجي تاكلها تلاقي طعمها حرفياً زي كرتونة التلاجة الإيديال بتاعة جدتك اللي مركونة في المنور من زلزال ٩٢؟ أهو إحساس الخازوق الأنيق ده، اللي متغلف بشياكة وفخامة وريحة بن أثيوبي محروق، هو بالظبط إحساس الناس اللي اتفرجوا على أضخم إنتاج سينمائي عربي.. فيلم "الست".. الناس بقالها شهور ماسكة في خناق بعض على السوشيال ميديا، خناقات عبثية حوالين الفيلم.. مابين ناس بيقولوا الفيلم بيهين رمز قوي مصري.. و ناس تانيين بيقولوا لا.. اش فهمكم انتوا!.. لا دي رؤية بصرية ما بعد حداثية بتفكك التراث!.. بس الحقيقة إننا كلنا مركزين مع الدخان وسايبين الحريقة.. سايبين المشاكل الحقيقية اللي في الفيلم. إحنا قدام ظاهرة عجيبة محتاجة تتدرس الحقيقة في مباحث الأموال العامة كنموذج للنصب قبل ما تتدرس في معهد السينما.... تخيل معايا كده فيلم اتصرف عليه حوالي ٧ مليون دولار.. يعني أكتر من ٣٥٠ مليون جنيه.. رقم لو فكرت فيه ثواني هيجيبلك تسلخات في محفظتك.. رقم يكفي نسفلت درب البرابرة برخام إيطالي ونركب تكييفات مركزية في موقف العاشر.. فيلم كسر أرقام شباك التذاكر، وركب تريند المنصات، وبقى حديث العائلات على سفرة يوم الجمعة، لكن في نفس الوقت.. خسا بشكل مهول..اتحول لأكبر ثقب أسود مالي وفني في تاريخ البشرية الحديث. عملوها إزاي دي؟ إزاي فيلم يبقى الأضخم إنتاجاً، والأكثر مشاهدة، وفي نفس الوقت الأكتر خيبة؟ معادلة مستحيلة تتجمع في مكان واحد؛ انك تتصدر القوايم، و في نفس الوقت.. تخسر!!. إزاي فيلم الست يبقى الأضخم إنتاجاً..، والأكثر مشاهدة، وفي نفس الوقت الأكتر خيبة؟ وإزاي تصرف كل الملايين دي على فيلم عن أعظم "صوت" في الشرق الأوسط.. و تخلي الناس يدخلوا الفيلم و يخرجوا.. من غير مايسمعوا الصوت ده أصلا! للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com