Olimlar qandli diabetga davo topish uchun asrlar osha bosh qotirishdi | @ilmparvar

Qandli diabetning davosi: olimlar uni topish uchun asrlar osha bosh qotirishdi Kasalliklar orasida diabet, soddaroq qilib aytganda, organizmda moddalar almashinuvi buzilishi tufayli yuza keladigan va siydik koʻpayishi bilan izohlanadigan kasalliklar xavfliligi hamda asorati jiddiyligi jihatidan alohida ajralib turadi. Bulardan qandsiz va qandli diabet koʻproq uchraydi. Qandsiz diabet miyadagi koʻruv boʻrtigʻi ostki qismining shikastlanishi sababli antidiuretik — koʻruv boʻrtigʻi ostki qismining supraoptik asab yadrolarida sintezlanib, bosh miyaning pastki ortigʻi orqa boʻlagiga tashiladigan va qonga ajraladigan kichik molekulali, fiziologik ahamiyatga molik neyrogipofezial peptid gormon (shira suyuqligi)ning keskin ozayishi, bez hujayralari faoliyati buzilishi evaziga paydo boʻladigan endokrinik xastalikdir. U chanqash, koʻp siyish, jinsiy funksiyaning susayishi, yosh bolalarning jismoniy va jinsiy oʻsishdan ortda qolishi, siydikning solishtirma ogʻirligi kamayishi bilan ifodalanadi.