وزعت فلوس ابي على ناس بالشارع 😋

نحنا بمزرعتنا كان عنا 3 شجرات جوز اقصر وحدة منهم كانت بطول عمارة من 3 طوابق ولما كان يصير موسم الجوز فجأة بيرسبن عندنا 4 اطنان ف لما رجعنا على بيتنا يلي بالمدينة ابي جاب معاه تقريبا 1000 كيلو ورماهم بالحوش غالبا منشان نعمل منهم حلويات و راح فلما صار الليل انا كالعادة بوقتها كنت متخرفن على بنت جيراني قبل ما تصير ايمو و تسافر و كنت بدي لاقي طريقة منشان خليها تنعجب فيني اكثر لأني كنت لسا صغير و بريئ و قلبي ما كان متحطم لسا من معاملة الضلع الأعوج و اخي بكل برائة قلي تتذكر كيف ابي علمنا انه الكريم بيدخل الجنة خلينا نوزع لكل جيراننا ببلاش !!! و فكرت اني بقدر استغل هالشي منشان اجذب اهتمامها و صرنا انا و اخي نوزع جوز على كل الجيران و نعطيهم و نضيفهم و بالأخص البيت يلي فيه البنت و لما عطينا لكل جيراننا صرنا حرفيا نوزع بالشارع للناس يلي بتمر بعدين و ابي جاية بالطريق بيشوف كثير ناس عما تاكل جوز غريبة والله شكلها اسعار الجوز رخصانة هالسنة و لما يدخل على البيت بيلاقي كل الجوز يلي جايبه مختفييي !!!! ويننن رااح الجووز (بصوت متفاجئ و حزنان) اااا ....اكلته انا و اخي (كيف قدرتوا تاكلوا 1000 كيلوو !!!)