Edicioni i Lajmeve Tv Klan 16 Maj 2026, ora 19:30 | Lajme - News

Lajme, #edicioniinformativ ora 19:30, 16 Maj 2026 #TvKlan #klanlajme Spiker: Redi Prifti Dalin pamjet e grabitjes së argjendarisë në Kamëz, autorët largohen me motor Një argjendari ra pre e një grabitjeje me armë mesditën e sotme në Kamëz. Tv Klan ka siguruar pamjet e largimit të autorëve, ku duken dy persona të maskuar dhe të armatosur që largohen me motor pasi morën sendet me vlerë. Detaje nga arrestimet në Komisariatin e Sarandës, AMP: Favorizonin subjekte me lidhje kriminale Dalin detaje të reja nga arrestimi, një ditë më parë, i shefit të Komisariatit të Sarandës dhe tre efektivëve të tjerë. Sipas AMP-së, drejtuesit e policisë kishin dijeni për ndërtimin pa leje, por e lejuan atë për të favorizuar subjekte të lidhura me struktura kriminale. Këshilli i Europës aprovon paktin mes Italisë dhe Shqipërisë për kampin e Gjadrit Marrëveshja Shqipëri–Itali për emigrantët ka marrë miratimin edhe të Këshillit të Europës, si një model që mund të zbatohet edhe nga vendet e tjera të Bashkimit Europian. Kryeministrja italiane, Xhorxhia Meloni, përshëndeti menjëherë vendimin. Fenomeni: Të miturit po përdoren online nga vetë prindërit, sociologët apel për kujdes Përdorimi i fëmijëve në rrjetet sociale për efekte marketingu po kthehet në një fenomen shqetësues. Sociologët u bëjnë apel prindërve të tregohen të kujdesshëm, pasi ekspozimi online i fëmijëve krijon rrezikshmëri, si fizike ashtu edhe emocionale. NYT: Javën e ardhshme rinisin sulmet ndaj Iranit, përshkallëzim pas dështimit të negociatave Mediat amerikane hedhin dyshime se Shtetet e Bashkuara dhe Izraeli mund të nisin sërish sulmet ndaj Iranit javën e ardhshme. Përshkallëzimi pritet të vijë pasi Teherani ka refuzuar propozimet e Uashingtonit për një marrëveshje. “Botërori 2026”, të gjithë sytë nga listat: Belgjika merr Lukakun, Neymar drejt rikthimit Ekipet e kualifikuara në Botëror po publikojnë dita-ditës listat me lojtarët e grumbulluar. Belgjika ka përfshirë Lukakun pavarësisht dilemave, ndërsa në Brazil raportohet se Neymar do të jetë pjesë e skuadrës. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook: https://www.facebook.com/tvklan/ Follow Tvklan on Instagram: https://www.instagram.com/rtvklan/ Programet e Tv Klan mund t’i ndiqni edhe në faqen https://tvklan.al/programe/