FIFA អនុញ្ញាតឲ្យកីឡាអាមេរិក កាតក្រហមចូលរួមប្រកួតវិញ ក្រោមសម្ពាធលោក Trump • RFI ខេមរភាសា / RFI Khmer

ការសម្រេចចិត្តរបស់ FIFA ដែលបានអនុញ្ញាតឲ្យកីឡាករអាមេរិក លោក Folarin Balogun ចូលរួមប្រកួតឡើងវិញទល់នឹងប្រទេសប៊ែលហ្ស៊ិក នៅល្ងាចថ្ងៃទី ៦ កក្កដា បន្ទាប់ពីកីឡាកររូបនេះ ត្រូវបានអាជ្ញាកណ្តាលសម្រេចឲ្យកាតក្រហម ព្យួរជើងនៅក្នុងការប្រកួតលើកមុន បានបង្កឲ្យមានប្រតិកម្ម និង ការមិនពេញចិត្ត ក្នុងស្រទាប់មហាជនទូទៅ ។ ប៉ុន្តែអ្វីដែល កាន់តែខុសប្រក្រតីទៀតនោះ គឺការលូកដៃធ្វើអន្តរាគមន៍ ខុសទំនង ដោយប្រធានាធិបតីអាមេរិក លោក ដូណាល់ ត្រាំ នៅក្នុងការប្រកួត ។ មេដឹកនាំអាមេរិក បានប្រកាសជាសាធារណៈថា រូបលោកពិតជាបានទូរសព្ទទៅកាន់ អគ្គនាយក FIFA លោក Gianni Infantino ដែលជាមិត្តជិតស្និទ្ធនឹងគ្នា ដើម្បីស្នើសុំឲ្យមានការពិចារណាឡើងវិញពាក់ព័ន្ធនិងការដាក់ពិន័យ កីឡាករអាមេរិកខាងលើ ។ តែទោះយ៉ាងណា កាតក្រហម ឬ អត់ ក៏ការវិលត្រឡប់មកវិញរបស់ខ្សែប្រយុទ្ធទី១របស់អាមេរិករូបនេះ នៅតែមិនអាចស្រោចស្រង់ក្រុមជម្រើសជាតិរបស់ខ្លួនបាននោះទេ ។ ជាលទ្ធិផល សហរដ្ឋអាមេរិកបានទទួលបរាជ័យយ៉ាងធ្ងន់ធ្ងរ ដោយបានទាត់ចាញ់ប៊ែលហ្ស៊ិក ៤ ទល់នឹង ១ និង ត្រូវខ្ទាតចេញពីព្រឹត្តិការណ៍ World Cup 2026 នេះ ៕ 🔔 Please subscribe: https://rfi.my/YTkm 🌍 ទទួលព័ត៌មាននៅជុំវិញពិភពលោកដោយផ្ទាល់ https://www.rfi.fr/km/ ភ្ជាប់ជាមួយហ្វេសប៊ុករបស់យើង https://rfi.my/FBkm ទទួលព័ត៌មានពីយើងតាម X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មានតាមតេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm