{تعاشب شاي}(2401) قانون الأحوال الشخصية الجديد: مطواة متغلفة بسيلوفان

تخيل أستاذ مدحت.. و طليقته مدام مديحة ماسكين في خناق بعض في عز الضهر قدام محكمة الأسرة. و هيثم ابنهم واقف في النص زي قمع المرور.. هم الاتنين بينهشوا في بعض على نفقة، وحضانة، وقايمة، و تلاجة شارب ١٤ قدم نو فروست.. ومين هياخد الإير فراير. و فجأة، الدولة تنزلك بأبديت جديد لقانون :"الأحوال الشخصية 2026". و تلاقي موظف بنضارة كعب كوباية.. طالعلك من بُعد رابع.. وبيقولك:"يا فندم متقلقش،الأبديت ده هيحميكم إنتو التلاتة، ده طوق نجاة للأسرة كلها..". ازاي يعني طوق نجاة واحد لاتنين بيحاولوا يغرقوا بعض و بيتخانقوا على نفس الحاجة أصلا؟ ١.مدحت بيحارب عشان مايتخربش بيته و يتحبس بسبب النفقة أو القايمة.. ٢.و مديحة بتحارب عشان الحضانة و الشقة.. ٣.و هيثم بيحارب رغبته في انه يرمي نفسه تحت أي ميكروباص معدي.. بعد ماب قى محتاج علاج عند ثيرابيست في المعادي لغاية مايبقى عنده ٤٠ سنة.. قالك طوق نجاة.. حضرتك التحديث ده عبارة عن "مطواة قرن غزال" ملفوفة بسيلوفان.. واللي جيبه مليان و يقدر على مصاريف القضايا و أتعاب المحامين هو اللي هيسحب المطواة دي الأول.. ويغز بيها التاني .. الخناقة اللي بين مدحت و مديحة.. ماهياش غريبة.. ولا جديدة.. لأن ده طلاق.. الغريب.. ان الدولة تتخيل انها إنها بقانون واحد هتقدر تحمي طرفين مصالحهم عكس بعض تماما،، من غير ما تنحاز لطرف على حساب التاني؟ فهل هي متخيلة كده فعلا؟.. ولا العك ده كله مقصود؟ للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com