vegetable with roll rice soup traditional khmer food | សម្លរកកូរ

Instruction ធ្វើត្រីហើយលាងអោយស្អាតរួចកាត់ជាកង់ៗទុកមួយឡែកសិន ដាក់ខ្ទះអោយក្ដៅ ហើយដាក់អង្ករប្រហែលជាមួយក្តាប់ចូល លីងវាអោយឡើងពណ៌ក្រហមបន្ទាប់មកយកទៅបុកឬកិនអោយម៉ត់ ស្លឹកគ្រៃ ល្មៀត ខ្ជាយ ត្រូវហាន់ស្ដើងៗ បន្ទាប់មកយកវាទៅបុកអោយល្អិតរួចដាក់ខ្ទឹមសចូលបុកអោយម៉ត់ ដួសវាទុកសិន បន្លែគ្រប់មុខត្រូវលាងអោយស្អាត បងប្អូនអាចដាក់បន្លែដូចដែរខ្ញុំរៀបរាប់ខាងលើរឺដាក់លើសនេះក៏បាន ទៅតាមចំនូលចិត្ត ល្ហុងជាមួយនឹងចេកខ្ចី ត្រូវសាប់វា ហើយឈូសស្តើងៗល្មម ចំណែកត្រប់ ល្ពៅកាត់ជាដុំៗ ដាក់ឆ្នាំងចាក់ប្រេងឆាចូលទុកអោយក្ដៅ រួចដាក់ប្រហុកចិញ្ច្រាំចូល កូរអោយឈ្ងុយហើយចាក់គ្រឿងបុកចូល កូរគ្រឿងអោយឈ្ងុយម្តងទៀតហើយចាក់សាច់ជ្រូកបីជាន់នឹងត្រីចូល កុំបើកភ្លើងខ្លាំងពេក វាអាចធ្វើអោយខ្លោចបាតឆ្នាំង កូរវារហូតដល់ដាច់ទឹក រួចដាក់គ្រឿងផ្សំចូល មានដូចជា ទឹកត្រី ស្ករ អំបិល នឹងម្សៅស៊ុប។ កូរវាទៀត​រហូតដល់គ្រឿងរលាយចូលសព្វជាមួយសាច់ បន្ទាប់មកដាក់អង្ករលីងចូលប្រហែល2ស្លាបព្រាបាយសិនបព្រោះបន្តិចទៀតអង្ករប្រាកដជារីក កូរវាអោយចូលជាតិគ្នាហើយចាក់ទឹកចូល ទឹកដាក់អោយសមល្មម (ភ្លក្សរសជាតិអោយល្មមទៅតាមចំនូលចិត្ត) បិទគ្របឆ្នាំងហើយបើកភ្លើងអោយខ្លាំងរហូតសម្លរពុះ បន្ទាប់មកទៀតដាក់ល្ពៅ ត្រប់ល្ហុង សណ្តែកគួរ ចេកចូល។ទុកវាមួយពុះរួចហើយដាក់បន្លែស្លឹកផ្សេងៗចូល ទុកមួយពុះទៀតអោយបន្លែឆ្អិនល្អហើយបិទភ្លើង។ សម្លរកកូរឆ្អិនហើយ សូមដួសដាក់ចានហើយលើកដាក់ទៅលើតុបាយ?? សម្លររបស់យើងមានពណ៍ខៀវស្អាតខ្លាំងគួរអោយចង់ញ៉ាំមែនទែន