ထိုင်းရောက် မြန်မာသိန်းချီ ရုန်းကန်နေရဆဲ

စာရွက်စာတမ်း၊ လုပ်ခလစာနဲ့ ဖမ်းဆီးခံရမယ့် စိုးရိမ်မှုကြားက မဟာချိုင်ရောက် မြန်မာတွေ --------------- ထိုင်းနိုင်ငံ မဟာချိုင်မြို့ဟာ မြန်မာရွှေ့ပြောင်းအလုပ်သမားတွေ အများဆုံး အခြေချနေထိုင်ရာ နေရာတွေထဲက တစ်ခုဖြစ်ပါတယ်။ စစ်အာဏာသိမ်းပြီးနောက် စီးပွားရေးအကျပ်အတည်း၊ အလုပ်အကိုင်ရှားပါးမှုနဲ့ စစ်မှုထမ်းဥပဒေကြောင့် မြန်မာလူငယ်အများအပြား ထိုင်းနိုင်ငံကို ထွက်ခွာလာခဲ့ကြပြီး မဟာချိုင်မှာ လုပ်ကိုင်စားသောက်နေကြပါတယ်။ ဒါပေမဲ့ ထိုင်းနိုင်ငံရောက်လာပြီးနောက်မှာလည်း မြန်မာအလုပ်သမားတွေရဲ့ ဘဝဟာ မလွယ်ကူပါဘူး။ လုပ်ခလစာပြဿနာ၊ စာရွက်စာတမ်း အခက်အခဲတွေ၊ ပွဲစားတွေရဲ့ လိမ်လည်မှုတွေနဲ့ ရဲစစ်ဆေးဖမ်းဆီးခံရမယ့် စိုးရိမ်မှုတွေကြားမှာ နေ့စဉ်ဘဝကို ဖြတ်သန်းနေကြရပါတယ်။ မဟာချိုင်က မြန်မာတွေဟာ ချမ်းသာဖို့ထက် အသက်ရှင်ရပ်တည်နိုင်ဖို့အတွက် ရုန်းကန်နေကြတာပါ။ သူတို့ ကြုံတွေ့နေရတဲ့ အခက်အခဲတွေနဲ့ ဘဝအခြေအနေတွေကို Myanmar Now က တင်ဆက်ထားပါတယ်။ ကိုလှိုင်း၊ အောင်နိုင် / Myanmar Now ------------------------------------------- Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။