முதலமைச்சர் பிறந்தநாள் விழா திமுகவினர் இனிப்பு அன்னதானம் வழங்கி கொண்டாடினார்கள்

தமிழக முதலமைச்சர் திரு. மு.க. ஸ்டாலின் அவர்களின் பிறந்தநாளை முன்னிட்டு, விருதுநகரில் பொதுமக்களுக்கு நலத்திட்ட உதவிகள் மற்றும் அன்னதானம் வழங்கி உற்சாகமாகக் கொண்டாடப்பட்டது. முதலமைச்சரின் பிறந்தநாளையொட்டி தமிழகம் முழுவதும் திமுகவினர் பல்வேறு நிகழ்ச்சிகளை ஒருங்கிணைத்து வருகின்றனர். இதன் ஒரு பகுதியாக, விருதுநகர் 7-வது வார்டுக்கு உட்பட்ட வி.எம்.சி காலனி மற்றும் ஏ.டி.பி காம்பவுண்ட் பகுதிகளில் நகர திமுக சார்பில் சிறப்பான கொண்டாட்டங்கள் நடைபெற்றன. நகர்மன்றத் தலைவர் திரு. ஆர். மாதவன் தலைமையில் நடைபெற்ற இந்த நிகழ்வில், 7-வது வார்டு நகர்மன்ற உறுப்பினரும், திமுக தலைமை பொதுக்குழு உறுப்பினருமான ஆர்.பி. மதியழகன் ஏற்பாட்டில், பொதுமக்களுக்கு இனிப்புகள் மற்றும் அசைவ பிரியாணி வழங்கப்பட்டது. இந்நிகழ்வில் நகரச் செயலாளர் தனபாலன் உட்பட நகர்மன்ற உறுப்பினர்கள் மற்றும் கட்சி நிர்வாகிகள் என ஏராளமானோர் திரளாகக் கலந்துகொண்டு சிறப்பித்தனர்.