Robin Padilla, Mariing Kinondena ang Post na Nananawagang B4rilin siya. #shorts #jolinamae

Naglabas ng pahayag si Senador Robin Padilla matapos niyang ibahagi sa kanyang Facebook page ang isang Threads post ng netizen na si Jolina Mae, na may nakasaad na: "Wala bang maglalakas-loob barilin bigla si Robin Padilla?" Sa kanyang reaksyon, mariing kinondena ng senador ang naturang pahayag at sinabi niyang ang mga ganitong panawagan ay umano'y naghihikayat ng karahasan at pagpatay. Ayon kay Padilla: "Allah hu akbar! Aoodhu billahi minashaytani rajeem! Kaya parang demonyo na ang mga kriminal sa pagpaslang ng tao dahil sa mga katulad nito na ipinangkakampanya ang pagpatay ng kapwa tao." Dagdag pa niya, handa umano siyang magsakripisyo para sa kapayapaan ng bansa. Sinabi rin niya: "Iha ako na lang ang natitira ninyong alas na handang magpakulong sa ICC para ubusin ang mga kriminal. Handa kong ipagpalit ang masagana at masaya kong pamilya para lamang maging matahimik at mapayapa ang kinabukasan ninyo." Sa huli, nanawagan ang senador sa mga may pananampalataya na ipagdasal at pagsisihan ang anumang panawagang nag-uudyok ng karahasan. "Kung may pananampalataya po kayo, In shaa Allah ay manalangin po kayo at humingi ng tawad sa Panginoon sa inyong panawagan dahil napakasama po ng inyong mga hakbangin." Sa ngayon, wala pang inilalabas na pahayag si Jolina Mae kaugnay sa naging reaksyon ni Senador Robin Padilla.