Klan News - Trump i jep një ultimatum të ri Iranit: Koha po mbaron

Durimi po mbaron dhe Donald Trump kërkon shpejt një marrëveshje me Iranin. “Ora po troket”, shkroi Trump në rrjetet sociale dhe kërkoi që Teherani të veprojë shpejt, duke shtuar se në të kundërt pasojat do të jenë të rënda pasi nuk do të mbetet asgjë prej tyre. Ky qëndrim i presidentit amerikan erdhi pas një telefonate me kryeministrin izraelit Benjamin Netanyahu, ku u diskutua e ardhmja e konfliktit. Negociatat e ndërmjetësuara nga Pakistani aktualisht ndodhen në ngërç. Shtëpia e Bardhë këmbëngul për dorëzimin e 400 kilogramëve uranium të pasuruar dhe mbajtja funksional e vetëm një impianti të infrastrukturës bërthamore, kërkesa që Teherani i konsideron të papranueshme. Nga ana tjetër, Irani kërkon heqjen e sanksioneve, fundin e bllokadës detare dhe shpërblime për dëmet e luftës. Libani është gjithashtu një vijë e kuqe dhe Irani kërkon që armëpushimi të përfshijë dhe këtë vend. Por Izraeli refuzon dhe vijon sulmet ndaj tij. Situata mbetet e tensionuar edhe në terren. Autoritetet në Emiratet e Bashkuara Arabe njoftuan se një sulm me dron shkaktoi zjarr në një gjenerator elektrik pranë Centralit Bërthamor Barakah. Abu Dhabi e cilësoi ngjarjen si sulm terrorist dhe fajësoi Iranin, por ky i fundit mohoi përgjegjësinë. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook: https://www.facebook.com/klannews Follow @klannews on Instagram: https://www.instagram.com/tvklannews/ #KlanNews #KlanNewsLajme #TvKlan