Bir Kitob Yuzlab Bolalarga Umid Olib Keldi

Кеча Тошкентдаги У. Қурбонов номидаги Республика болалар психоневрология шифохонасида навбатдаги хайрия акциясини обуначиларим билан ўтказдик. Яқинда Лондонда китобим тақдимотини ўтказган эдим. Тақдимот якунида хайрия аукциони ташкил қилинди. Буюк Британиядаги ватандошларимиз китобларимни аукционда харид қилиб, тушган маблағни қўлга бермасдан, шифохона бош шифокори тақдим этган рўйхат асосида зарур жиҳозларни ўзлари сотиб олишди. Энг ҳайратланарлиси, улар шифокор сўраган эҳтиёжларни бир неча баробар ортиғи билан таъминлашди. Шу билан бирга, ижтимоий тармоқлардаги обуначиларимдан ҳам ёрдам сўраган эдим. Кеча одамлар енгил автомобилларда, ҳатто юк машиналарида болажонлар учун озиқ-овқат, кондиционерлар, микроволновкалар, болалар стол-стуллари ва турли зарур буюмларни олиб келишди. Ростини айтсам, кеча кўзларимга ёш келди. Мен ушбу болаларга меҳр кўрсатаётган ҳар бир инсондан таъзимдаман. Ёрдам келтирган ҳар бир инсонга, Лондондаги ватандошларимизга, хайрли ишга ҳисса қўшган барча саховатли юртдошларимизга ва юкларни туширишда кўмаклашган талабаларга чин қалбимдан раҳмат айтаман. Фикримча, инсоннинг буюклиги унинг қанча тўплаганида эмас, балки қанча улашганида намоён бўлади. Фикрларимни Алишер Навоийнинг гаплари билан тугатмоқчиман: «Қўлингиздан келган яхшиликни кечиктирманг, чунки муҳтожнинг кутиши ҳам бир дарддир.» Мана шунақа гаплар….. #mrotabektv #xayriya #xayriyatadbir #instapost #otabekmahkamov