Bugun necha marta istig'for aytingiz?

#zikr #duo #истиғфор Gunoh qilib, keyin tavba qiladigan, keyin yana gunoh qilib, yana tavba qiladigan kishiga "avvob" deyiladi. Uni munofiq, yaramas deyilmaydi, garchi gunohini ming marta takrorlasa ham. Zotan, Alloh bizdan behojat va tavbamizdan xursand bo‘ladi. Avvob kim? Ibn Qayyim rahimahulloh aytadilar: «Ubayd ibn Umayr dedi: «Gunohlarini eslab, keyin istig‘for aytadigan kishi avvobdir». Mujohid rahimahulloh aytadilar: «U — yolg‘izlikda gunohini eslab, istig‘for aytadigan kishi». Said ibn Musayyib rahimahulloh aytadilar: «U gunoh qilib, keyin tavba qiladigan. Keyin yana gunoh qilib, yana tavba qiladigan kishidir». Ibn Qayyim rahimahulloh aytadilar: «Avvob — gunohdan Allohning toatiga va g‘aflatdan Uning zikriga qaytuvchi kishi». ("Favoid", 13)