ആ രഹസ്യവും പുറത്ത് ! വീണ്ടും അത്ഭുതപ്പെടുത്തി 3I അറ്റ്ലസ്

പ്രപഞ്ചത്തിന്റെ അഗാധതകളിൽ നിന്നും സൗരയൂഥത്തിലേക്ക് അതിഥികളായി എത്തുന്ന നക്ഷത്രാന്തര വസ്തുക്കൾ (Interstellar objects) എപ്പോഴും ശാസ്ത്രലോകത്തിന് വലിയ അത്ഭുതമാണ് സമ്മാനിക്കാറുള്ളത്. 'ഓമുവമുവ' (Oumuamua), '2I/ബോറിസോവ്' (2I/Borisov) എന്നിവയ്ക്ക് ശേഷം മനുഷ്യൻ കണ്ടെത്തിയ മൂന്നാമത്തെ നക്ഷത്രാന്തര ധൂമകേതുവാണ് '3I/ATLAS'. എന്നാൽ മുൻപ് കണ്ടെത്തിയവയിൽ നിന്നെല്ലാം വ്യത്യസ്തമായി, ഈ ധൂമകേതുവിന് പ്രപഞ്ചത്തോളം തന്നെ പഴക്കമുണ്ടെന്ന വിസ്മയകരമായ വിവരങ്ങളാണ് ഇപ്പോൾ പുറത്തുവരുന്നത്. പ്രശസ്ത ശാസ്ത്ര മാസികയായ 'നേച്ചർ അസ്ട്രോണമി'യിൽ പ്രസിദ്ധീകരിച്ച പുതിയ പഠനങ്ങൾ അനുസരിച്ച്, ഈ അപൂർവ്വ ധൂമകേതു കഴിഞ്ഞ പന്ത്രണ്ട് ബില്യൺ (1200 കോടി) വർഷങ്ങളായി പ്രപഞ്ചത്തിലൂടെ സഞ്ചരിച്ചുകൊണ്ടിരിക്കുകയാണ്. അതായത്, നമ്മുടെ ആകാശഗംഗയായ ക്ഷീരപഥം (Milky Way) അതിന്റെ രൂപീകരണത്തിന്റെ പ്രാരംഭ ഘട്ടത്തിലായിരുന്ന സമയത്താണ് ഈ ധൂമകേതു ജനിച്ചതെന്നാണ് ഗവേഷകർ വിലയിരുത്തുന്നത്. നാസയുടെ ഗോദാർഡ് സ്‌പേസ് ഫ്ലൈറ്റ് സെന്ററിലെ മോളിക്കുലാർ അസ്‌ട്രോഫിസിസിസ്റ്റായ മാർട്ടിൻ കോർഡിനറുടെ നേതൃത്വത്തിലുള്ള അന്താരാഷ്ട്ര ശാസ്ത്രജ്ഞരുടെ സംഘമാണ് ജെയിംസ് വെബ് ബഹിരാകാശ ടെലിസ്‌കോപ്പിന്റെ സഹായത്തോടെ ഈ കണ്ടെത്തൽ നടത്തിയിരിക്കുന്നത്. #3iatlas #interstellarobject #cometdiscovery #spaceexploration #jameswebbspacetelescope #natureastronomy #astrophysics #milkywaygalaxy #cosmology #nasagoddard #universehistory #astronomyfacts #deepspace #spacegeneration