Khit Thit Evening News | May 15 , 2026

Khit Thit သတင်းဌာန၏ မေ ၁၅ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၅ ရက် ညနေပိုင်း တင်ဆက်ပေးမယ့် သတင်းတွေကတော့ - မြန်မာနိုင်ငံမှာ စစ်အာဏာသိမ်းမှုကြောင့် ဂျပန်ချေးငွေတွေ ရပ်ဆိုင်းသွားတဲ့အတွက် ရထားလမ်းစီမံကိန်းတွေကို နိုင်ငံ့ဘဏ္ဍာငွေနဲ့သာ ဆက်လုပ်နေရတယ်လို့ အကြမ်းဖက် မင်းအောင်လှိုင်က ဝန်ခံညည်းတွားပြောဆိုလာပါတယ်။ - အမေရိကန် အစိုးရက စီးပွားရေးဒဏ်ခတ်ပိတ်ဆို့ထားတဲ့ မြန်မာနိုင်ငံက ကျွန်းသစ်တွေကို တရားမဝင်တင်သွင်းမှုကြောင့် ဗြိတိန် ဇိမ်ခံရွက်လှေကုမ္ပဏီကိုပါ အမေရိကန်က အရေးယူလိုက်ပါတယ်။ ဒါကိုတော့ သဘာ၀ ပတ်ဝန်းကျင်ဆိုင်ရာ စုံစမ်းစစ်ဆေးရေးအဖွဲ့ EIA အဖွဲ့က ထုတ်ပြန်ထားတာတာပါ။ - အကြမ်းဖက် စစ်တပ်က ပြည်ပရောက် မြန်မာနိုင်ငံသားတွေအပေါ် တင်းကျပ်တဲ့ စည်းမျဉ်းစည်း ကမ်းတွေ ချမှတ်ပြီး နိုင်ငံခြားငွေရအာင် နဉ်းမျိုးစုံနဲ့ ဖိအားပေးနေမှုကြောင့် ပြည်ပရောက် မြန်မာ လုပ်သား တွေရဲ့ ပြည်တွင်း ငွေလွှဲမှုဟာ အမေရိကန်ဒေါ်လာ ၅ ဒသမ ၆ ဘီလီယံအထိ ရှိလာပြီး စစ်အုပ်စုရဲ့ အဓိကနိုင်ငံခြားငွေ အရင်းအမြစ်ဖြစ်လာတယ်လို့ Bloomberg သတင်းဌာနက ဖော်ပြလာပါတယ်။ -တရုတ်နဲ့ အမေရိကန်တွေ့ဆုံမှု နောက်ဆက်တွဲအဖြစ် တရုတ်ယွမ်ငွေတန်ဖိုးတွေ အမြင့်ဆုံးရောက်ရှိ လာတယ်လို့ သိရပါတယ်။ အမေရိကန် သမ္မတထရန့်အစိုးရအဖွဲ့ တရုတ်ခရီးစဉ်ကို ရောက်ခဲ့တဲ့အချိန် မှာပဲ တရုတ် ယွမ်ငွေတန်ဖိုးတွေ မြင့်တက်လာခဲ့ရာမှာ ဒီကနေ့ မေလ ၁၅ ရက်နေ တရုတ်ငွေကြေး တန်ဖိုးဟာ သုံးနှစ်အတွင်းမှာတင် အမြင့်ဆုံးအဆင့်ကို ရောက်သွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။