КОСМОС - Ертөнц ба амьдралын нууц таны гарт!

Бид шинжлэх ухааны шилдэг номыг орчуулан таны гарт хүргэж байна. Урьд үзэгдэж байгаагүй 250 гаруй өнгөт зураг, дүрслэлээр баяжуулагдсан энэхүү нүд хужирлам ном нь Карл Саганы 13 ангитай телевизийн нэвтрүүлгээс санаа авч бүтээгдсэн юм. Саганы шинжлэх ухааныг уран яруу, ойлгомжтой, сонирхолтой байдлаар илэрхийлэх чадвар нь гойд билээ. Космос бүтээлдээ тэрээр хүн төрөлхтөн, соёл иргэншил, шинжлэх ухаан хэрхэн харилцан хамааралтай үүссэн бэ гэдгийг хамгийн өргөн хүрээнд тайлбарлахыг зорьжээ. Гараг судлах зорилгоор илгээгдсэн сансрын хөлгүүд, эртний Александриагийн номын санд хийгдэж байсан судалгаанууд, амьдралын үүсэл, Нарны үхэл, галактикийн хувьсал, материйн гарал, одод ба Дэлхийн тухай уг ном өгүүлнэ. Амь ба ухаан орсон Космосын материал эргээд орчлон ертөнцийг эргэцүүлэхэд хүргэсэн тэрхүү 14 тэрбум жилийн космик хувьслыг Саган бидэнд эхнээс нь дахин үзүүлнэ. Өөр гараг дээрх амьдралын тухай хамгийн сүүлийн үеийн баримтууд, харийн соёл иргэншилтэй хэрхэн холбоо тогтоож болох вэ гэдэг асуудлыг ч бас хөнджээ. Космос номд бидний танин мэдэхүйн аялалд хөтөч болсон, орчин цагийн шинжлэх ухааныг цогцлооход дэм болсон Демокрит, Хипатиа, Кеплер, Ньютон, Хюйгенс, Шампольон, Лоуэлл, Хьюмасон зэрэг баатруудын намтар агуулагдана. Саган өөрийн гаргаа харийн өнцгөөс харахдаа харанхуйд гялтганан бүртэлзэх цэнхэр өнгийн үнэт эрдэнэтэй зүйрлэжээ. Ертөнцөд эзлэх байр сууриа эрэн хайж эхлээд төдийлөн удаагүй байгаа нэгэн төрлийн танин мэдэхүйн түүхийг энд өгүүлнэ. Хүргэлтээр авах: https://gejyuve.com/ #cosmos