Rreze Dielli - Emisioni 13 Maj 2026, Receta / Vlerat e Kefirit/ A na shëndoshin frutat?

Zonja Albana solli tre receta të shpejta dhe plot shije në “Rreze Dielli”. Recetat e përzgjedhura për ditën e sotme ishin: Përshesh i Përmetit me mish qingji/ Kulaç me sodë / Byrek me qepë të njoma dhe djathë. Në vitet e fundit, kefiri ka fituar një vëmendje të veçantë si një nga pijet më të pasura dhe më të dobishme për shëndetin tonë, por shumë njerëz ende nuk e njohin mirë se çfarë është në të vërtetë dhe pse konsiderohet kaq i veçantë. A është thjesht një alternativë e kosit, apo ka vlera unike që e dallojnë? Dhe pse shpesh përmendet si një “bombë probiotike” për sistemin tonë tretës? Dallimet mes kefirit dhe kosit nuk qëndrojnë vetëm në shije apo teksturë, por lidhen ngushtë me përbërjen e baktereve të dobishme dhe mënyrën e fermentimit. Kjo e bën kefirin një aleat të fuqishëm për shëndetin e zorrëve, imunitetin dhe mirëqenien e përgjithshme. Por sa prej këtyre përfitimeve i marrim realisht kur konsumojmë kefir të gatshëm nga supermarketi? A ka ndryshim mes atij të prodhuar në shtëpi dhe atij industrial? Po aq e rëndësishme është edhe mënyra se si e konsumojmë dhe e përgatisim kefirin, pasi teknika e gabuar mund të ulë ndjeshëm vlerat e tij ushqyese. Për të kuptuar më mirë të gjitha këto, sot do të flasim me nutricionistin Altin Joka, ekspert i mjekësisë holistike, i cili do të na shpjegojë çfarë e bën kefirin kaq të veçantë, si duhet ta përdorim në mënyrën e duhur dhe si të përfitojmë maksimalisht nga vetitë e tij. Gjithashtu me nutricionistin Altin Joka, ndalemi dhe te një nga temat më të dashura për të gjithë: frutat. Të shijshme, të freskëta dhe të pranishme në çdo stinë, ato shpesh konsiderohen si zgjedhja më e shëndetshme. Por sa të sigurta janë në të vërtetë për trupin tonë? A mund të na shëndoshin frutat dhe sa është sasia e duhur që duhet të konsumojmë çdo ditë? A ka rëndësi koha kur i hamë: paradite apo pasdite? Diskutojmë gjithashtu dallimin mes fruktozës natyrale që gjendet në fruta dhe asaj të shtuar në produktet industriale. A është fruktoza më e shëndetshme se sheqeri i bardhë, apo kjo është thjesht një ide e përhapur gabimisht? Gjatë bisedës, do të kuptojmë pse fruktoza konsiderohet më problematike për mëlçinë, nëse duhet të kemi kujdes me konsumimin e tepërt të frutave, si dhe cilat janë produktet ku fshihet fruktoza pa e kuptuar. Në fund, ndalemi edhe te një zakon i përditshëm për shumë njerëz: konsumimi i lëngjeve të frutave dhe çfarë ndodh në trupin tonë kur e teprojmë me to. Një bisedë informuese për të kuptuar më mirë rolin e frutave në shëndetin tonë. “Rreze Dielli”, miqësisht ngrohtë e plot dritë vjen çdo ditë, nga e hëna në të premte, ora 9:00. Për rreth dy orë, ju shoqërojmë me receta të shijshme, si dhe me miqtë e ditës që kanë histori për të treguar a këshilla për të ndarë.Kthim pas në kohë dhe zhytje mes kujtimesh në rubrikën nostalgji. Një ftesë e përditshme nga “Rreze Dielli”, që nuk duhet humbur, për një nisje të ditës plot emocione dhe buëqeshje! Televizioni Report TV është një nga televizionet informative më profesionalë dhe të pavarur në panoramën mediatike shqiptare. Lajmi i fundit, ekskluzive, aktualitet, sociale, ekonomi, kulture, sport, lajme nga vendi rajoni dhe bota. Për më shumë vizitoni: http://shqiptarja.com/ dhe https://www.report-tv.al/ Subscribe to "Report TV" on YouTube Channel for NEWS and TV Shows HERE: https://www.youtube.com/@ReportTVAlbania Follow Report Tv on Facebook: https://www.facebook.com/reporttval/ Follow Shqiptarja.com on Facebook: https://www.facebook.com/ShqiptarjaCom/ Follow Report Tv on Instagram: https://www.instagram.com/reporttv.al Follow Shqiptarja.com on Instagram: https://www.instagram.com/shqiptarjacom/ Follow Report Tv on Twitter: https://www.twitter.com/shqiptarjacom/ Follow Shqiptarja.com on TikTok: https://www.tiktok.com/@shqiptarjacom #rrezedielli #ReportTv #ReportTvLajme