តើគួរមោទនភាពចំពោះការទទួលសញ្ញាបត្រដែលបរទេសផ្តល់ឲ្យដោយមិនបានរៀន ឬយ៉ាងណា?

សញ្ញាបត្រថ្នាក់បណ្ឌិតដែលបរទេសផ្តល់ឲ្យ បានធ្លាក់ដល់ដៃព្រះសង្ឃមួយចំនួននៅតាមទីអារាមនៃប្រទេសកម្ពុជា។ ជាសញ្ញាបត្រដែលបញ្ជូនចេញមកពីប្រទេសធំៗ ជាច្រើន ដូចជាសហរដ្ឋអាមេរិក និងប្រទេសនៅតំបន់អឺរ៉ុបជាដើម។ នេះបើតាមសង្ឃដីកាបញ្ជាក់របស់      សម្តេចព្រះមហាអរិយវង្ស បណ្ឌិត យ៉ន សេងយៀត ព្រះសាកលវិទ្យាធិការនៃពុទ្ធិកសាកលវិទ្យាល័យព្រះសីហនុរាជ និងជាព្រះចៅអធិការវត្តឧណ្ណាលោម។ តាមសម្តេច យ៉ន សេងយៀត ព្រះសង្ឃកម្ពុជាគួរឈប់ចាញ់ល្បិចកលរបស់ជនបោកប្រាស់មួយចំនួន ដែលបានធ្វើសញ្ញាបត្រក្លែងក្លាយសម្រាប់ដាក់លក់។ បញ្ញវន្តខ្មែរនានាយល់ឃើញថា ​ការទិញដូរសញ្ញាបត្រក្លែងក្លាយនេះ មិនមែនជាបញ្ហារបស់កម្ពុជាតែឯងទេ។ តែវាជាបញ្ហាសកលដែលទាមទារឲ្យកម្ពុជាត្រូវមានវិធានការគ្រប់គ្រងឲ្យបានត្រឹមត្រូវ ដើម្បីរក្សាគុណតម្លៃនៃសញ្ញាបត្រថ្នាក់បណ្ឌិតនេះ។ តើពលរដ្ឋខ្មែរ គួរត្រេកត្រអាល ចំពោះការទទួលយកសញ្ញាបត្រ ដែលបរទេសផ្តល់ឲ្យដោយមិនបានរៀន ឬយ៉ាងណា? 🔔 Please subscribe: https://rfi.my/YTkm 🌍 ទទួល​​ព័ត៌មាន​នៅ​ជុំវិញពិភពលោក​ដោយ​ផ្ទាល់ https://www.rfi.fr/km/ ភ្ជាប់ជាមួយ​ហ្វេសប៊ុក​របស់​យើង https://rfi.my/FBkm ទទួលព័ត៌មានពី​យើង​តាម​​ X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មាន​តាម​តេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm