PBBM: Ikinalungkot ang ulat na nasawi ang isang Pilipinong caregiver sa Israel

Ikinalungkot ni Pangulong Ferdinand R. Marcos Jr. ang ulat na nasawi ang isang Pilipinong caregiver sa Israel na kinilalang si Mary Anne Velazquez Rivera mula sa Pangasinan. Si Rivera ay tinamaan ng shrapnel habang sinisikap na dalhin sa bomb shelter ang kanyang alaga. Siniguro ng Pangulo na ibibigay ng pamahalaan ang lahat ng tulong na kakailanganin ng kanyang pamilya. Kasabay nito, tiniyak din ang mahigpit na pag-monitor sa kalagayan ng iba pang mga OFW na nasa gitna ng nagpapatuloy na gulo sa Middle East. "Lahat po ng tulong na kakailanganin ng kanilang pamilya ay ihahatid ng ating pamahalaan," anang Pangulo. Tayo ay nakikiramay at nananalangin para sa kaligtasan ng ating mga kababayan sa ibayong dagat. #RadyoPilipinas #RadyoPubliko #IntegratedStateMedia #ISM