64 yoshli migrant asir: «Shayton yo‘ldan urdi, pasport uchun urushga keldim» @migrantuzb

«SHAMAN TV» media kanali Rossiya qurolli kuchlariga askarlikka yollanib, Ukraina bilan urushda qatnashgan va asir tushgan markaziy osiyoliklar haqidagi navbatdagi videolavhani e’lon qildi. Bu galgi suhbat qahramoni 64 yoshli Avazbek Ortiqboyev ismli qirg‘iziston fuqarosi. Ma’lumotlarga ko‘ra, hozirda Rossiya Mudofaa vazirligi bilan shartnoma imzolab, Ukrainaga qarshi urushda qatnashayotgan Qirg‘iziston fuqarolari soni 1500 nafarga yetgan. Oxirgi yarim yil ichida Qirg‘izistondan kelgan «yollanma askarlar» soni ikki barobarga oshgan. Bu endi shunchaki tasodif emas, balki xavotirli tendensiyadir, deydi muallif. Markaziy Osiyoliklar uchun eng katta muammolardan biri ularning asirlar almashinuvi ro‘yxatiga kiritilmasligidir. Avazbek Ortiqboyev 2025 yilning avgustidan beri asirlikda bo‘lishiga qaramay, haligacha almashinuv ro‘yxatiga kiritilmagan. Uning so‘zlariga ko‘ra, Rossiya tomoni chet ellik asirlarni almashishga qiziqish bildirmaydi. Rossiya va Ukraina o‘rtasidagi urush Markaziy Osiyo davlatlari fuqarolari uchun nafaqat iqtisodiy, balki ulkan insoniy fojiaga aylandi. Ukrainadagi asirlar lagerlarida saqlanayotgan insonlar taqdiri bugungi kunning eng og‘riqli nuqtalaridan biridir. Telegram 👉 https://t.me/migrantuz (@migrantuz) TikTok 👉 https://www.tiktok.com/@migrantuzb Instagram 👉 https://www.instagram.com/migrantuzb (@migrantuzb) YouTube 👉 https://www.youtube.com/@migrantuzb Facebook 👉 https://fb.com/migrantuz ВКонтакте 👉 https://vk.com/migrantuz Rasmiy veb-sayt: https://www.migrant.uz #патент #регистрация #migrant #migrantuz