தமிழக வெற்றி கழகம் - செயல் வீரர்கள் கூட்டம்

விருதுநகரில் தமிழக வெற்றிக் கழகத்தின் சார்பில், சட்டமன்றத் தேர்தல் பணிகள் குறித்த மாவட்ட அளவிலான செயல்வீரர்கள் கூட்டம் நடைபெற்றது. விருதுநகர் மல்லாங்கிணர் சாலையில் உள்ள கிருஷ்ணம்மாள் திருமண மண்டபத்தில், கிழக்கு மாவட்டத் தலைவர் எஸ்.பி. செல்வம் தலைமையில் இந்த ஆலோசனைக் கூட்டம் நடைபெற்றது. நிகழ்வில் சிறப்பு விருந்தினராக விருதுநகர் சட்டமன்றத் தொகுதிப் பொறுப்பாளர் மயூரி கலந்துகொண்டார். இதில், வரவிருக்கும் சட்டமன்றத் தேர்தலை எதிர்கொள்வது குறித்தும், வாக்குச்சாவடி முகவர்கள் மற்றும் கட்சி நிர்வாகிகள் மேற்கொள்ள வேண்டிய களப்பணிகள் குறித்தும் மாவட்டத் தலைவர் எஸ்.பி. செல்வம் விரிவான ஆலோசனைகளை வழங்கினார். இந்த முக்கியத்துவம் வாய்ந்த கூட்டத்தில் நகர மற்றும் ஒன்றிய நிர்வாகிகள் திரளாகக் கலந்துகொண்டு, தேர்தல் பணிகளை முன்னெடுப்பது குறித்து விவாதித்தனர்.