திருவண்ணாமலை - அண்ணாமலையார் கோவிலில் நடிகர் அருண் விஜய் குடும்பத்துடன் சாமி தரிசனம்!

பஞ்சபூத ஸ்தலங்களில் அக்னி ஸ்தலமாக விளங்கும் திருவண்ணாமலை அண்ணாமலையார் திருக்கோவிலுக்கு கடந்த சில மாதங்களாகவே தமிழ், தெலுங்கு, கன்னடம் உள்ளிட்ட மொழிகளை சேர்ந்த நடிகர், நடிகைகள், இந்திய கிரிக்கெட் வீரர்கள், இசையமைப்பாளர்கள் என அனைவரும் திருவண்ணாமலைக்கு வருகை தந்து அண்ணாமலையாரை தரிசனம் செய்து வருகின்றனர். அந்த வகையில் இன்று திருவண்ணாமலைக்கு வருகை தந்த திரைப்பட நடிகர் அருண்விஜய் குடும்பத்துடன் அண்ணாமலையாரை தரிசனம் செய்தார். முன்னதாக சம்பந்த விநாயகரை வணங்கி அவர், தொடர்ந்து உண்ணாமலை அம்மன் உடனாகிய அண்ணாமலையாரை வழிபாடு செய்தார். பின்னர் திருக்கோவில் நிர்வாகம் சார்பில் அவருக்கு மாலை மற்றும் பிரசாதங்கள் வழங்கப்பட்டது,