എസ്.ബി.ടി ഓർമ്മക്കൂടി പുരസ്കാരം | ജൂലൈ 25ന് തിരുവനന്തപുരം സ്മൃതി സംഗമം

സ്റ്റേറ്റ് ബാങ്ക് ഓഫ് ട്രാവൻകൂറിൽ ജോലി ചെയ്തിരുന്ന ഉദ്യോഗസ്ഥരുടെ കൂട്ടായ്മയായ ‘എസ്.ബി.ടി ഓർമ്മക്കൂടി’യുടെ ഈ വർഷത്തെ പ്രതിഭാ പുരസ്കാരത്തിന് ഗായകൻ എം.ജി ശ്രീകുമാറിനെയും സാഹിത്യ പുരസ്കാരത്തിന് കവി ആലങ്കോട് ലീലാകൃഷ്ണനെയും തെരഞ്ഞെടുത്തു. പ്രൊഫ. അലിയാർ, ഡോ. കെ.എസ്. രവികുമാർ, ജോൺ സാമൂവൽ എന്നിവരടങ്ങിയ ജൂറിയാണ് പുരസ്കാര ജേതാക്കളെ തിരഞ്ഞെടുത്തത്. 25,000 രൂപയുടെ ക്യാഷ് അവാർഡും ആർട്ടിസ്റ്റ് ഭട്ടതിരി രൂപകൽപ്പന ചെയ്ത ശിൽപ്പവും പ്രശസ്തിപത്രവും പുരസ്കാരത്തിന്റെ ഭാഗമാണ്. ജൂലൈ 25ന് തിരുവനന്തപുരം ബിഷപ്പ് പെരേര ഹാളിൽ നടക്കുന്ന രണ്ടാം എസ്.ബി.ടി സ്മൃതി സംഗമത്തിൽ പുരസ്കാരങ്ങൾ വിതരണം ചെയ്യും. രാജ്യത്തിന്റെ വിവിധ ഭാഗങ്ങളിൽ നിന്നുള്ള അറുനൂറിലധികം മുൻ എസ്.ബി.ടി ഉദ്യോഗസ്ഥർ ചടങ്ങിൽ പങ്കെടുക്കും. #MGSreekumar #AlangodeLeelakrishnan #SBTOrmakkoodu #SBTAward #KeralaNews #MalayalamNews #Thiruvananthapuram #SBT #SmrithiSangamam #AwardCeremony