{قرآن بعلم الوصول}(05) أسرار سورة المائدة : أهم عقد في حياتك..

“العقود”.. كلمة غريبة في حياتنا.. ماتفهمش موجودة ليه.. لأن دي أسهل حاجة بنمضي عليها من غير مانبص فيها أصلا.. ولا كأننا ممكن نلتزم بيها أساسا.. بالرغم من اننا عارفين انها هاتسري علينا.. المفروض.. الموضوع وصل لدرجة .انك بتقعد ع الموبايل تفر شاشة “شروط الاستخدام”.. اللي طولها ٥٠٠ متر..و اللي هي عقد.. عشان بس توصل لزرار “الموافقة”.. عشان الأبلكيشن ينزلك إيموجي جديد للبطيخة الراقصة مثلا.. و انت عارف انك بالموافقة دي ممكن تكون بعت كلاويك الاتنين لشركة أبل مثلا.. بس ماعندكش مشاكل.. احنا انطباعنا عن العقود انها دايما لازم هايكون فيها خوازيق.. و بالرغم من كده.. بنمضي من غير مانبص فيها حتى.. من كتر ما فكرة العقد دي أساسا فقدت معناها و قيمتها في حياتنا.. المشكلة بقى ان العقلية دي بقينا بنتعامل بيها مع ربنا كمان.. بقينا بنستخدم أسلوب “تخطي الإعلانات” ده في علاقتنا بربنا.. و بنعتبر الدين ده ملف سيستم مقفول و متشفر.. نازلنا كلنا مع شهادة الميلاد.. فمش محتاجين نبص فيه أصلا.. هو بيشتغل لوحده.. و ماحدش فينا واخد باله من اننا فيه بيننا و بين ربنا “عقد”.. حقيقي.. بس حتى لو عارفين.. ده هايفرق في ايه لو العقود عموما مالهاش قيمة في حياتنا؟ عشان كده.. ربنا سبحانه و تعالى ختم رسالة الإسلام و تشريعاته بإيه؟ الواحد يتخيل ان آخر رسالة تشريعية ربنا ينزلنا فيها ليستة كده بالحاجات الحرام عشان مانعملهاش و خلاص.. مش كده؟ بس العجيب.. ان لأ.. الختام مايكونش كده.. بل يكون بكلمتين و أمر مباشر و صريح.. “أوفوا بالعقود”.. ﴿يَا أَيُّهَا الَّذِينَ آمَنُوا أَوْفُوا بِالْعُقُودِ﴾.. أول آية في سورة المائدة.. اللي معادنا معاها النهاردة.. لحظة بس.. عقود ايه؟!! هو انا مضيت على حاجة و انا مش واخد بالي؟!! للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com