အမေရိကန်နှင့်အီရန်တို့ကြားနျူကလီးယားဆွေးနွေးပွဲ ပြုလုပ်ချိန်အထိအပြန်အလှန်ခြိမ်းခြောက်

အမေရိကန်နှင့် အီရန်တို့အကြား အိုမန်နိုင်ငံတွင် နျူကလီးယားဆွေးနွေးပွဲ ပြုလုပ်နေချိန်အထိ နှစ်ဖက်အပြန်အလှန် ခြိမ်းခြောက်မှုများရှိနေ -------------------- အမေရိကန်နဲ့အီရန်တို့အကြား နျူကလီးယားဆွေးနွေးပွဲကို ဒီကနေ့ ဖေဖော်ဝါရီ ၆ ရက်မှာ အိုမန်နိုင်ငံမှာ ပြုလုပ်နေပါတယ်။ တူရကီအပါအဝင် အီရန်ရဲ့ မဟာမိတ် အာရပ်နိုင်ငံတွေရဲ့ တိုက်တွန်းမှု၊ အမေရိကန်ရဲ့ ဖိအားပေးမှုနဲ့၊ ဥရောပနိုင်ငံအချို့ရဲ့ ကြိုးပမ်းမှုကြောင့် ဖြစ်လာတဲ့ အခုဆွေးနွေးပွဲမှာ "တရားမျှတတဲ့ ဆွေးနွေးမှုတွေ" လုပ်ဖို့ နိုင်ငံခြားရေးဝန်ကြီးကို ညွှန်ကြားထားတယ်လို့ အီရန်သမ္မတ မာဆု ပက်ဇက်ရှ်ကီယန်က ပြောပါတယ်။ အွန်လိုင်းကနေ ဖွင့်ထားတဲ့ အီရန်နိုင်ငံဆိုင်ရာ အမေရိကန် သံရုံးကတော့ အီရန်မှာရှိနေတဲ့ အမေရိကန်နိုင်ငံသားတွေအနေနဲ့ ဖြစ်နိုင်ရင် အီရန်နိုင်ငံထဲကနေ ချက်ခြင်း ထွက်ခွာကြဖို့နဲ့ ထွက်ခွာတဲ့အခါမှာလည်း အမေရိကန်အစိုးရရဲ့ အကူအညီကိုပဲ အားမကိုးဘဲ ကိုယ့်အစီအစဉ်နဲ့ကိုယ် ထွက်နိုင်အောင် ပြင်ဆင်ထားကြဖို့ ဒီကနေ့မှာ တိုက်တွန်းထားပါတယ်။