ယူကရိန်း ခရီးသည်တင်ရထားကို ရုရှားက ဒရုန်းနဲ့ တိုက်ခိုက်

ယူကရိန်း ခရီးသည်တင်ရထားကို ရုရှားက ဒရုန်းနဲ့ တိုက်ခိုက် ---------------------------- ယူကရိန်း အရှေ့မြောက်ပိုင်း ခါကိဗ်ဒေသမှာ ဇန်နဝါရီ ၂၇ ရက်က ညအချိန် ခုတ်မောင်းလာတဲ့ ခရီးသည် ၂၀၀ နီးပါးလိုက်ပါလာတဲ့ ရထားတွဲတစ်ခုကို ရုရှားက ဒရုန်းနဲ့ တိုက်ခိုက်ခဲ့တာကြောင့် အရပ်သား ၅ ဦးထက် မနည်း သေဆုံးသွားတယ်လို့ အာဏာပိုင်တွေက ပြောပါတယ်။ ဒီတိုက်ခိုက်မှုနဲ့ ပတ်သက်လို့ ယူကရိန်းသမ္မတ ဗိုလိုဒီမာ ဇလန်းစကီးက "ရထားတွဲထဲက အရပ်သားတွေကို သတ်ဖြတ်တာဟာ ဘယ်လိုစစ်ရေးအကြောင်းပြချက်မျိုးနဲ့မှ လက်ခံနိုင်စရာမရှိဘူး" လို့ သူ့ရဲ့ Telegram ကနေ ပြောကြားလိုက်ပါတယ်။ ယူကရိန်းဒုဝန်ကြီးချုပ် ယူလီယာ ဆဗီရီ ဒန်ကိုကလည်း အရပ်သားတွေစီးနင်းလာတဲ့ ရထားကို ရည်ရွယ်ချက်ရှိရှိ တိုက်ခိုက်တာဟာ အကြမ်းဖက်မှုသက်သက်ပဲဖြစ်ပြီး ငြိမ်းချမ်းစွာနေထိုင်ကြတဲ့ ပြည်သူတွေနဲ့ လူသားမျိုးနွယ်အပေါ် သိသိသာသာ ကျူးလွန်လိုက်တဲ့ ရာဇဝတ်မှုတစ်ခု ဖြစ်ကြောင်း၊ ဒီလိုတိုက်ခိုက်မှုတိုင်းအတွက် ရုရှားမှာ တာဝန်ရှိကြောင်း၊ ရုရှားဟာ ယူကရိန်း ပြည်သူတွေအပေါ် ရက်စက်ကြမ်းကြုတ်မှုတွေ ကျူးလွန်ဖို့ နည်းလမ်းအမျိုးမျိုးကို ပိုမို တိုးမြှင့်လုပ်ဆောင်လာနေကြောင်းနဲ့ ၊ ကမ္ဘာကြီးအနေနဲ့ ဒီလိုအကြမ်းဖက်မှုတွေကို သာမန်ကိစ္စတစ်ခုလို အသားကျသွားတာမျိုး လုံးဝမဖြစ်စေသင့်ဘူး” လို့ သူ့ရဲ့ X လူမှုမီဒီယာမှာ ရေးသား ဖော်ပြခဲ့ပါတယ်။