Լարված վիճակ ԿԸՀ-ում․ դատարանների անգործության պատճառով քաղաքացիները չեն կարողացել քվեարկել

Այսօր՝ ԱԺ ընտրությունների օրը, ԿԸՀ-ի աշխատանքը խոչընդոտեցին մի խումբ քաղաքացիներ՝ բողոքելով, որ հաշվառման հետ կապված խնդիրների պատճառով չեն կարողանում իրացնել իրենց ընտրելու սահմանադրական իրավունքը։ Նրանց խոսքով՝ ընտրողների ցուցակներում առկա տվյալների անհամապատասխանությունների պատճառով ստիպված են եղել դիմել դատարաններ, սակայն բախվել են իրավական և կազմակերպչական լուրջ խոչընդոտների։ Քաղաքացիները նշում են, որ ժամեր շարունակ շրջել են տարբեր դատական ատյաններում՝ չստանալով հստակ պատասխան, թե որ դատարանն է իրավասու քննել իրենց դիմումները։ Բողոքող քաղաքացիների պնդմամբ՝ սկզբում իրենց ուղարկել են քաղաքացիական դատարան, որտեղ մի քանի ժամ սպասելուց հետո տեղեկացվել են, որ հարցը վարչական դատարանի իրավասության ներքո է։ «Առավոտից մինչև այժմ որևէ որոշում կամ պատասխան չենք ստացել։ Դատարաններն իրենք էլ կարծես չգիտեն, թե որտեղ պետք է լուծվի այս հարցը։ Մարդկանց պարզապես մեկ դատարանից մյուսն են ուղարկում», - դժգոհում էին քաղաքացիները։ Նրանք նշեցին, որ առավոտյան ժամը 9-ից քաշքշուկի մեջ են։ Ոչ մի դատարան չի ստանձնում հարցի լուծումը, իսկ քաղաքացիներին բառացիորեն մեկ դատարանից մյուսն են ուղարկում՝ ֆուտբոլի գնդակի պես։ Մինչդեռ քվերակության համար նախատեսված ժամանակը սպառվում է։ Մանրամասները՝ https://oragir.news/hy/material/2026/06/07/198221 Oragir.News-ին կարող եք հետևել նաև. Telegram - https://t.me/oragir_news Facebook - https://www.facebook.com/oragir1 Facebook - https://www.facebook.com/Oragir.am Instagram - https://www.instagram.com/oragir.news Tiktok - https://www.tiktok.com/@oragir.news