ကြိုးတချောင်းအပေါ် အသက်ပုံအပ်ထားတဲ့ လုပ်သားတွေ (ရုပ်/သံ)

မြေပြင်ကနေ မီတာ ရာချီမြင့်မားတဲ့ ဘန်ကောက်မြို့က မိုးမျှော်တိုက်တွေ၊ အထပ်မြင့်အဆောက်အအုံတွေရဲ့ အပြင်ဘက်မှာ ကြိုးတချောင်းအပေါ် အသက်တွေ ပုံအပ်ပြီး အလုပ်လုပ်ကိုင်နေကြတဲ့ မြန်မာရွှေ့ပြောင်းလုပ်သားတွေ အများအပြားရှိနေပါတယ်။ ဒီလိုလုပ်ကိုင်သူတွေကို “ကြိုးဆင်းလုပ်သား” လို့ခေါ်ပြီး အဆောက်အအုံ အပြင်ဘက်နံရံတွေကို ဆေးသုတ်တာ၊ မှန်ဆေးတာနဲ့ ဆောက်လုပ်ရေး လုပ်ငန်းတွေ လုပ်ကိုင်ကြတာပါ။ နိုင်ငံတကာမှာတော့ ဒီလုပ်ငန်းကို အန္တရာယ်အလွန်မြင့်မားတဲ့ အလုပ်အဖြစ် သတ်မှတ်ထားပါတယ်။ နိုင်ငံတကာစံနှုန်းတွေအရ ကြိုးဆင်းလုပ်ငန်းလုပ်ကိုင်ရာမှာ ကြိုးနှစ်ချောင်းအသုံးပြုဖို့၊ လုံခြုံရေးဝတ်စုံနဲ့ လုံခြုံရေးဦးထုပ်တွေ ဝတ်ဆင်လုပ်ကိုင်ဖို့ သတ်မှတ်ထားသလို မဆင်းခင်မှာလည်း လေတိုက်နှုန်းနဲ့ ရာသီဥတုအခြေအနေတွေကို တွက်ချက်ပြီးမှသာ ဆင်းဖို့အတွက် သတ်မှတ်ထားကြပါတယ်။ ဒါပေမယ့် မြန်မာရွှေ့ပြောင်းလုပ်သားအများစုကတော့ ဒီလိုလုံခြုံရေးစံနှုန်းတွေနဲ့ မကိုက်ညီတဲ့ လုပ်ငန်းခွင်တွေမှာ အသက်ကို လောင်းကြေးထပ်ပြီး နေ့စဉ်အလုပ်လုပ်ကိုင်နေကြရပါတယ်။ #မြန်မာ #ဧရာဝတီ #ကြိုးဆင်းလုပ်သား #ရွှေ့ပြောင်းလုပ်သား #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation