மதுரை மத்திய தொகுதியில் இரட்டை இலையில் போட்டியிடும் இயக்குனர் சுந்தர் சி

மதுரை மாவட்டத்தில் உள்ள 10 சட்டமன்ற தொகுதிகளில் நட்சத்திர அந்தஸ்து பெற்ற தொகுதியாக மாறியுள்ளது மதுரை மத்திய தொகுதி. இங்கு புதிய நீதிக் கட்சி சார்பில் இரட்டை இலை சின்னத்தில் போட்டியிடும் பிரபல இயக்குனரும், நடிகருமான சுந்தர் சி, தற்போது தனது பிரச்சாரத்தை டிஜிட்டல் தளத்திலும் தொடங்கியுள்ளார். இன்ஸ்டாகிராம் பக்கத்தில் அவர் வெளியிட்டுள்ள வீடியோவில்: "இத்தனை காலம் இயக்குனராகவும், நடிகராகவும் எனக்கு பேராதரவு தந்தீர்கள். தற்போது புதிய முயற்சியாக அரசியலில் களம் காண்கிறேன். மதுரை மத்திய தொகுதியில் போட்டியிடும் எனக்கு, உங்கள் அன்பும் ஆதரவும் எப்போதும் போலவே தேவை." என உருக்கமாக வேண்டுகோள் விடுத்துள்ளார். மதுரை மத்திய தொகுதியில் ஏற்கனவே எம்.எல்.ஏ-வாக இருக்கும் திமுகவின் பி.டி.ஆர் பழனிவேல் தியாகராஜன், நேற்று வேட்புமனு தாக்கல் செய்த நாம் தமிழர் கட்சியின் அப்துல் ஹக்கீம் ஆகியோருடன், தற்போது சுந்தர் சியும் களம் காண்பதால் இந்தத் தொகுதி பெரும் எதிர்பார்ப்பை ஏற்படுத்தியுள்ளது.