Siz Rossiyaga ketayotgan bo‘lsangiz… @migrantuzb

Har kuni yuzlab yurtdoshlarimiz mehnat qilish maqsadida xorijga yo‘l oladi. Ammo yangi ish o‘rni umidi bilan boshlangan safar ba’zan huquqiy muammolar, aldov yoki hujjatlardagi xatolar sabab jiddiy qiyinchiliklarga aylanishi mumkin. Shuning uchun safarga chiqishdan avval ishonchli axborotga ega bo‘lish va o‘z huquqlarini bilish har bir mehnat migranti uchun juda muhim. Ayniqsa, Rossiyaga yo‘l olayotganlar uchun. Aynan shu maqsadda "Barqaror Hayot" ijtimoiy-ma’rifat markazi mehnat migrantlari va ularning oila a’zolarini huquqiy va psixologik jihatdan qo‘llab-quvvatlashga qaratilgan loyihani amalga oshirmoqda. "Loyiha doirasida mehnat migrantlariga migratsiya qonunchiligi bo‘yicha huquqiy maslahatlar beriladi, turli huquqiy masalalar yuzasidan bepul yuridik yordam ko‘rsatiladi. Shu bilan birga, xorijda ishlash jarayonida turli ruhiy bosimlarga duch keladigan fuqarolar va ularning oila a’zolari uchun psixologik maslahat xizmati ham yo‘lga qo‘yilgan", deydi "Barqaror Hayot" ijtimoiy-ma’rifat markazi Toshkent shahar bolimi rahbari Sanjar Yo‘ldoshev. Mutaxassislarning ta’kidlashicha, aksariyat muammolarning oldini safardan avval to‘g‘ri ma’lumot olish orqali bartaraf etish mumkin. Loyiha nafaqat huquqiy xizmatlar ko‘rsatish, balki aholi o‘rtasida xavfsiz mehnat migratsiyasi madaniyatini shakllantirishga ham qaratilgan. Shu maqsadda Surxondaryo, Qashqadaryo, Namangan viloyatlari va Toshkent shahrida har oy axborot-tashviqot tadbirlari tashkil etiladi. Shuningdek, har oy kamida 1500 nafar mehnat migranti va ularning oila a’zolari huquqiy hamda psixologik konsultasiyalar bilan qamrab olinishi rejalashtirilgan. Telegram 👉 https://t.me/migrantuz (@migrantuz) TikTok 👉 https://www.tiktok.com/@migrantuzb Instagram 👉 https://www.instagram.com/migrantuzb (@migrantuzb) YouTube 👉 https://www.youtube.com/@migrantuzb Facebook 👉 https://fb.com/migrantuz ВКонтакте 👉 https://vk.com/migrantuz Rasmiy veb-sayt: https://www.migrant.uz #патент #регистрация #migrant #migrantuz